ТАҚВИМИ АМИТ «ХОВАР»: имрӯз 17 январ, ҷумъа, 17-умин рӯзи соли 2025 аст

Дар ин рӯзи соли 1995 дар шаҳри Кобеи Ҷопон дар пайи зилзилаи шадид зиёда аз 6 ҳазору 400 нафар ба ҳалокат расиданд.

***

17 январи соли 2013 дар шаҳри Душанбе вакилони палатаи поёнии Парлумони Тоҷикистон – Маҷлиси намояндагон Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Мардумии Чин оид ба низоми сарҳади давлатии Тоҷикистон ва Чинро тасдиқ намуданд.

***

17 январи соли 2014 Президенти Ҷумҳурии Тоҷикистон Эмомалӣ Раҳмон дар бораи таҷдиди сохтори Дастгоҳи иҷроияи Президенти Ҷумҳурии Тоҷикистон фармон ба имзо расониданд.

***

Соли 2017 дар маркази маъмурии вилояти Суғд-шаҳри Хуҷанд филиали Корхонаи воҳиди давлатии «Коргоҳи протезӣ ва ортопедӣ» ифтитоҳ гардид.

***

17 январи соли 2020 Парлумони Тоҷикистон Созишнома дар бораи бунёди панҷ мактаби таҳсилашон ба забони русӣ дар Тоҷикистонро ба тасвиб расонид.

***

Соли 2022 зарфияти сайёҳии Тоҷикистон дар ҳошияи Намоишгоҳи байналмилалии «ЭКСПО-2020» муаррифӣ гардид.

***

Дар ин рӯзи соли 2023 АМИТ «Ховар» хабар дод, ки дар шаҳри Давоси Швейтсария ҷаласаи 53-юми Форуми ҷаҳонии иқтисодӣ (ФҶИ) ба кор оғоз кард, ки шиори форум «Ҳамкорӣ дар шароити ҷаҳони пароканда» буд.

17 ЯНВАР:

 Рӯзи байналмилалии ихтирои кӯдакон.