Ҳайати Тоҷикистон дар нишасти вазирон дар мавзуи «Ояндаи нақлиёт» дар Женева иштирок намуд

ДУШАНБЕ, 11.02.2025 /АМИТ «Ховар»/. 10 феврал дар шаҳри Женеваи Конфедератсияи Швейтсария дар ҳошияи ҷаласаи 87-уми Кумитаи нақлиёти дохилии Комиссияи иқтисодии Созмони Милали Муттаҳид барои Аврупо (UNECE) бо ташаббуси Форуми ҷаҳонии иқтисодӣ мулоқоти вазирони кишварҳои минтақа дар мавзуи «Ояндаи нақлиёт»  баргузор гардид.

Тавре АМИТ «Ховар» бо истинод ба Сафорати Ҷумҳурии Тоҷикистон дар  Конфедератсияи Швейтсария хабар медиҳад, дар нишаст аз Тоҷикистон Вазири нақлиёти мамлакат Азим Иброҳим иштирок намуд.

Дар нишаст масъалаҳо вобаста ба таҳкими соҳаи нақлиёти ҷаҳонӣ, ҳамбастагии роҳҳои нақлиётӣ байни минтақаҳою муайян намудани мушкилот, имконият ва дидани чораҳои калидӣ бобати ноил шудан ба дурнамои устувор ва самараноки соҳа мавриди баррасии иштирокчиён қарор дода шуданд.

АКС: Сафорати Ҷумҳурии Тоҷикистон дар  Конфедератсияи Швейтсария