Ҳамкорӣ дар самти сайёҳӣ байни шаҳрҳои Душанбе ва Шероз тақвият меёбад
ДУШАНБЕ, 15.02.2025 /АМИТ «Ховар»/. Имконияту иқтидори сайёҳии шаҳри Душанбеи Ҷумҳурии Тоҷикистон тавассути воситаҳои ахбори омма ва мониторҳои калонҳаҷми шаҳри Шерози Ҷумҳурии Исломии Эрон муаррифӣ мегардад. Масъалаи мазкур зимни вохӯриҳои намояндагони соҳаи сайёҳии Тоҷикистон бо намояндагони расмии гардишгарии шаҳрдории Шероз ва ширкатҳои сайёҳии маҳаллӣ баррасӣ шуд. Дар ин хусус ба АМИТ «Ховар» дар шуъбаи рушди сайёҳии Мақомоти иҷроияи ҳокимияти давлатии шаҳри Душанбе хабар доданд.
Дар доираи вохӯриҳо ҳамзамон муаррифии имконияту иқтидори сайёҳии шаҳри Шероз тавассути воситаҳои ахбори омма ва мониторҳои калонҳаҷми шаҳри Душанбе, инчунин масъалаҳои омӯзишу мубодилаи таҷриба ва ташкили намоиши ҳунарҳои дастии Шероз дар шаҳри Душанбе низ муҳокима гардиданд.
Ба мувофиқа расида шуд, ки бо мақсади ҷалби бештари сайёҳон ба давлатҳои ҳамдигар бастаҳои сайёҳӣ таҳия ва пешниҳод гарданд.
Намояндагони соҳаи сайёҳии Тоҷикистон ҳамчунин бо иншооти сайёҳии шаҳри Шероз, бахусус оромгоҳи Ҳофизи Шерозӣ, Саъдии Шерозӣ, Чилмақом, тахти шоҳ Ҷамшед ва Боғи Ҷаҳоннамо шинос шуда, аз фаъолияти растаҳои сайёҳӣ ва ҳунарҳои дастӣ низ огоҳ шуданд.
Ёдовар мешавем, ки муносибатҳои бародаршаҳрӣ байни шаҳрҳои Душанбеи Ҷумҳурии Тоҷикистон ва Шерози Ҷумҳурии Исломии Эрон 16 феврали соли 1992 барқарор шудаанд.
Заминаи шартномавӣ-ҳуқуқии ҳамкории дуҷониба байни ду шаҳрро Шартнома оид ба бародаршаҳрии шаҳрҳои Душанбе ва Шероз аз 16 феврали соли 1992 ташкил медиҳад.
Санади мазкур самтҳои асосии ҳамкории дуҷониба дар соҳаҳои иқтисодӣ, фарҳангӣ, гуманитарӣ, сохтмону шаҳрсозӣ, саноат, ҷавонон, сайёҳӣ ва ғайраро дар бар мегирад.
АКС: шуъбаи рушди сайёҳии Мақомоти иҷроияи ҳокимияти давлатии шаҳри Душанбе
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Дар Дарвоз Конференсияи байналмилалии «Сайёҳии устувор ва рушди зеҳни сунъӣ дар шароити муосир» баргузор шуд
Дар Хуҷанд конференсияи байналмилалии илмӣ-амалии «Мероси Суғди бостонӣ» баргузор гардид
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Форуми байналмилалии «Сайёҳии устувор ва мероси фарҳангӣ» иқтидори сайёҳӣ ва фарҳангии Тоҷикистонро муаррифӣ менамояд
Дар Душанбе Форуми байналмилалии «Сайёҳии устувор ва мероси фарҳангӣ» оғоз гардид
