IRS: Дар роҳи Душанбе-Чанок ҳаракати тамоми намуди нақлиёт муваққатан маҳдуд карда шуд

ДУШАНБЕ, 25.02.2025. /АМИТ «Ховар»/. Дар километри 78-уми роҳи Душанбе-Чанок тарма фаромад, ки зиёда аз 60 метр паҳноӣ ва 8 метр баландӣ дошт. Аз ин рӯ дар ин роҳ ҳаракати тамоми намуди нақлиёт муваққатан маҳдуд карда шуд. Дар ин хусус АМИТ «Ховар» бо истинод ба Филиали «Инновейтив Роуд Солюшнз ЛТД» дар Ҷумҳурии Тоҷикистон хабар медиҳад.

Иттилоъ медиҳем, ки тармае, ки дар километри 78-уми роҳи Душанбе-Чанок фаромада буд, дар муддати кӯтоҳ бартараф гардид.

Мутаассифона, чанд дақиқа пеш дар километрҳои 73 ва 79-уми ин роҳ тармаҳои навбатӣ фаромаданд. Ҳоло бартарафсозии ин тармаҳо босуръат идома дорад.

Ҳамзамон қаблан дар километрҳои 67 ва 78-уми роҳи Душанбе-Чанок тарма фаромада буд, ки техникаҳои филиали ширкат фавран ба маҳалли тармафароӣ ҷалб гардиданд.

Баъди бартараф намудани тармаҳо аз кушодани шудани роҳ ҳатман иттилоъ хоҳем дод.

АКС: Филиали «Инновейтив Роуд Солюшнз ЛТД» дар Ҷумҳурии Тоҷикистон