«МАН БА НОМЗАДИ АРЗАНДАИ ХУДАМ ОВОЗ МЕДИҲАМ!». Дар Ҳисор иқдоми таблиғотии пешазинтихоботӣ доир шуд

ДУШАНБЕ, 27.02.2025 /АМИТ «Ховар»/. Имрӯз дар шаҳри Ҳисор бо иштироки аъзои Ташкилоти ҷамъиятии ҷавонон «Созандагони Ватан» таҳти унвони «Ман ба номзади арзандаи худам овоз медиҳам!» иқдоми таблиғотии пешазинтихоботӣ гузаронида шуд, хабар медиҳад АМИТ «Ховар».

Ин иқдом бо ташаббуси Ситоди пешазинтихоботии Кумитаи иҷроияи Ҳизби Халқии Демократии Тоҷикистон дар шаҳри Ҳисор ташкил шуда, дар бозорҳои шаҳр, марказҳои савдо ва маконҳои серодам идома ёфт.

Ба интихобкунандагон варақаҳои таблиғотӣ ва шакли мухтасари барномаҳои пешазинтихоботии номзадҳо ба вакилии Маҷлиси намояндагони Маҷлиси Олии Ҷумҳурии Тоҷикистон ва маҷлисҳои маҳаллии вакилони халқи шаҳри Ҳисор тақсим шуданд.

АКС: Кумитаи иҷроияи Ҳизби Халқии Демократии Тоҷикистон дар шаҳри Ҳисор