НИШАСТИ МАТБУОТӢ. Раёсати Агентии назорати молиявӣ ва мубориза бо коррупсия дар Бадахшон 67 тафтишу санҷиш анҷом дод
ХОРУҒ, 12.02.2024 /АМИТ «Ховар»/. Дар Раёсати Агентии назорати молиявӣ ва мубориза бо коррупсияи Ҷумҳурии Тоҷикистон дар Вилояти Мухтори Кӯҳистони Бадахшон бо иштироки намояндагони воситаҳои ахбори оммаи вилоят нишасти матбуотӣ баргузор гардид. Сардори Раёсати Агентии назорати молиявӣ ва мубориза бо коррупсияи Ҷумҳурии Тоҷикистон дар вилояти Мухтори Кӯҳистони Бадахшон Олимҷон Маҳмуродзода гуфт, ки соли 2024 дар муассисаю ташкилот ва субъектҳои хоҷагидории давлатӣ 67 тафтишу санҷиш анҷом дода шуд. 3 адади он аз рӯи нақшаи тасдиқгардида, 5 адад дар асоси маводи оперативӣ ва 8 адад дар асоси дархости ниҳодҳои дигари ҳифзи ҳуқуқ гузоронида шуд.
Дар натиҷаи ин санҷишҳо ба маблағи 5 миллиону 256 ҳазору 247 сомонӣ камомад ошкор гардид, ки аз он зиёда аз 869 ҳазор сомонӣ хароҷоти ғайриқонунии пулию молӣ, зиёда аз 469 ҳазор сомонӣ изофанависӣ дар корҳои таъмиру сохтмонӣ буда, 2 миллиону 909 ҳазору 869 сомониро маблағи ҳисобгардида ва рӯйпӯшнамудаи андозҳо ва пардохтҳои ҳатмӣ ташкил медиҳад.
Ҳайати шахсии раёсат соли 2024 124 ҷинояти коррупсионӣ, иқтисодии дорои хусусияти коррупсионӣ ва вобаста ба андозро ошкор намуд.
Сардори Раёсати Агентии назорати молиявӣ ва мубориза бо коррупсияи Ҷумҳурии Тоҷикистон дар вилояти Мухтори Кӯҳистони Бадахшон корҳои фаҳмондадиҳиро ҷузъи муҳими фаъолияти ҳамкорону ҳамкасбонаш арзёбӣ намуда, баён дошт, ки соли 2024 зиёда аз 100 мулоқоту суҳбати инфродӣ бо кормандони идораю муассисаҳо, соҳибкорон ва табақаҳои мухталифи ҷомеа баргузор шуд. 300 буклету овезаҳои марбут ба пешгирӣ аз амалҳои коррупсионӣ омода ва паҳн карда шуданд. Дар соли 2024, ки Соли маърифати ҳуқуқӣ эълон шуда буд, кормандони раёсат корҳои фаҳмондадиҳиро боз ҳам тақвият доданд. Дар натиҷа амалҳои дорои хусусияти коррупсионӣ нисбат ба соли 2023 хеле коҳиш ёфтанд.
Гуфта шуд, ки пешгирӣ ва коҳиш додани амалҳои коррупсионӣ вазифаи ҳар шаҳрванд буда, дар ин самт танҳо бо муборизаи муштараки ҷомеа ва ниҳодҳои ҳифзи ҳуқуқ метавон натиҷаи дилхоҳ ба даст овард.
АКС: АМИТ «Ховар»
Вазири рушди иқтисод ва савдои Тоҷикистон дар чорабинии сатҳи баланди СПЕКА иштирок намуд
Файзиддин Қаҳҳорзода бо намояндагони Институти ҷаҳонии рушди сабз ва Комиссияи иқтисодӣ ва иҷтимоии СММ вохӯрӣ намуд
Ҷалби сармоя ба соҳаи фармасевтикаи Тоҷикистон бо иштироки сармоягузорони Чин баррасӣ гардид
Тоҷикистон ва Олмон ҳамкории иқтисодию тиҷоратиро густариш медиҳанд
Хуршед Мирзо дар Форуми дуюми Тян-Шон оид ба дастовард ва иқтидори инноватсионии Тоҷикистон маълумот пешниҳод намуд
Дар шаҳри Бӯстон хати нави истеҳсолӣ ва зеристгоҳи барқӣ ифтитоҳ гардид
Ҷаласаи шарҳи маҷмуии лоиҳаҳои сармоягузории давлатии аз ҷониби Бонки Осиёии рушд маблағгузоришаванда доир шуд
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
