Ба ифтихори Наврӯз дар Осорхонаи миллии Тоҷикистон конфронси ҷумҳуриявӣ доир шуд
ДУШАНБЕ, 20.03.2025 /АМИТ «Ховар»/. «Наврӯз – омили ваҳдатсоз ва пайвандгари аслҳо ва наслҳо»- таҳти чунин унвон дар рӯзҳои Ҷашни байналмилалии Наврӯз дар Осорхонаи миллии Тоҷикистон бо ибтикори Шурои куҳансолони Ҳаракати ваҳдати миллӣ ва эҳёи Тоҷикистон конфронси ҷумҳуриявӣ баргузор гардид, иттилоъ медиҳад АМИТ «Ховар» бо истинод ба Осорхонаи миллии Тоҷикистон.
Дар конфронси ҷумҳуриявӣ коршиносону донишмандон, адибону шоирон ва аъзои Шурои куҳансолони Ҳаракати ваҳдати миллӣ ва эҳёи Тоҷикистон иштирок намуда, Раиси Кумитаи иҷроияи Ҳаракати ваҳдати миллӣ ва эҳёи Тоҷикистон Рудобаи Мукаррам доир ба мақому манзалати ҷашни Наврӯз ҳамчун омили ваҳдатсоз ва пайвандгари аслҳо ва наслҳо сухан намуд.
Инчнуин олимону донишмандон, кормандони масъули муассисаҳои илмию фарҳангии мамлакат ва дигар аъзои Кумитаи иҷроияи Ҳаракати ваҳдати миллӣ ва эҳёи Тоҷикистон дар мавзуъҳои «Бозтоби вожаи Наврӯз дар забони шеъри тоҷикӣ», «Инъикоси Наврӯз дар ёдгориҳои Осорхонаи миллӣ», «Наврӯз – ҷашни миллӣ ва мардумии тоҷикон» ва «Иқдоми Тоҷикистон дар ҷаҳонишавии Наврӯз ва нақши он дар гуфтугӯи тамаддунҳо» маърузаҳои илмӣ намуданд.
Дар анҷом байни иштирокдорони конфронс табодули афкор доир шуд. Аъзои Шурои куҳансолони Ҳаракати ваҳдати миллӣ ва эҳёи Тоҷикистон Ҳайдаршо Пирумшоев ва Шоири халқии Тоҷикистон Назри Яздон доир ба таърих ва суннатҳои ҷашни бостонии Наврӯз, ки таърихи беш аз шашҳазорсола дорад, сухан намуданд.
АКС: Осорхонаи миллии Тоҷикистон
Муҳаммадҷон Қосимов — ҳунарманде, ки нақшҳои офаридааш дар дилу ёдҳо нақш бастааст
Озмуни ҷумҳуриявии «Беҳтарин тасвир» байни наврасон гузаронида мешавад
Дар Душанбе маросими ҷоизасупорӣ ба кормандони телевизион, радио ва соҳаи алоқа баргузор гардид
Дар Намоишгоҳи байналмилалии «Китоби Теҳрон» 400 номгӯй китобҳои тозанашр аз Тоҷикистон пешниҳод шуданд
Китоби «Театр дар назди микрофон» ба нашр расид
Телевизионҳои Тоҷикистон дар ҳифзи фазои расонаӣ мавқеи устувор доранд
ЭЪЛОНИ ОЗМУНИ АКСҲО. «Рамзи дӯстии Чин ва Тоҷикистон- бинои Ҳукумат ва бинои Парлумони Тоҷикистон»
Фестивали байналмилалии театрҳои касбӣ «Наврӯз» ҷамъбаст гардид
7 МАЙ — РӮЗИ ТЕЛЕВИЗИОН, РАДИО ВА КОРМАНДОНИ СОҲАИ АЛОҚА. Дар Тоҷикистон барномаи рушди соҳаи алоқа таҳия карда мешавад
«ХОТИРА АЗ ҲОФИЗ». Ин намоиши байналмилалӣ ба 700-солагии Ҳофизи Шерозӣ бахшида шудааст
Фестивали байналмилалии театрҳои касбӣ «Наврӯз» ҷамъбаст карда мешавад
Дар Осорхонаи миллии Тоҷикистон намоиши асарҳои рассом ва муҷассамасози олмонӣ Гюнтер Уэкер баргузор мегардад
