Дар «Саноатсодиротбонк» Рӯзи Модарро бошукуҳ таҷлил намуданд
ДУШАНБЕ, 06.03.2025. /АМИТ «Ховар»/. Дар Корхонаи воҳиди давлатии Бонки саноатию содиротии Тоҷикистон «Саноатсодиротбонк» бахшида ба Рӯзи Модар ва гиромидошти ин неъмати бебаҳои умр таҳти унвони «Меҳрофар» маҳфили идона баргузор гардид, ки дар он занон-меҳмонони гуногункасб иштирок намуданд. Дар ин хусус ба АМИТ «Ховар» аз «Саноатсодиротбонк» хабар доданд.
Ҳадафи асосии баргузории маҳфил аз баёни эҳтирому ситоиши Зан-Модар ва ҳамзамон баланд бардоштани қадру нуфузи занон дар ҷомеа, нақши бориз доштани занон дар ҳамаи ҷабҳаҳои мухталифи мамлакат иборат буд.
Раиси Раёсати Бонк Ҳокимшоҳ Бобозода аз нақши занон-модарон дар ҷомеа ва дастгириҳои Пешвои миллат нисбат ба занон ёдовар шуд.
Дар сатҳи давлатӣ ҷашн гирифтани Рӯзи Модар нишонаи эътибору эҳтироми зиёди давлату Ҳукумати мамлакат нисбат ба модарону занон ва дар даврони соҳибистиқлолии мамлакат манзалати хоссаро соҳиб гаштани онҳо буда, заҳмату фидокориҳои занон-модарон ҳамеша қадр мегардад. Зеро занону модарони тоҷик ҳанӯз дар оғози даврони истиқлоли давлатӣ ба хотири ҳифзи ҳуқуқу озодиҳояшон ва ба эътидол овардани вазъи мамлакат азму талош намуда, дар роҳи расидан ба сулҳу субот ва ваҳдати миллӣ бо нангу номуси ватандӯстӣ ва заҳмати софдилона дар пешрафти тамоми соҳаҳои ҳаёти ҷомеа саҳми арзишманд гузоштаанд.
Раиси Кумитаи кор бо занон ва оилаи назди Ҳукумати Ҷумҳурии Тоҷикистон Бунафша Файзиддинзода оид ба мавқеи занон дар ҷомеа, рӯз ба рӯз баланд шудани нуфузи модарони мамлакат давоми солҳои соҳибистиқлолии мамлакат, фазилати инсонии ин отифаи ҳусн дар таърихи башарият ва Тоҷикистон, инчунин саҳми арзандаи занон-модарони мамлакат дар рушду пешрафти соҳаҳои мухталифи Тоҷикистон ибрози андеша намуд.
АКС: Корхонаи воҳиди давлатии Бонки саноатию содиротии Тоҷикистон «Саноатсодиротбонк»
Натиҷаҳои рушди иқтисодии Тоҷикистон дар Таиланд муаррифӣ гардиданд
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
Масъалаи истифодаи механизмҳои нави маблағгузорӣ барои татбиқи лоиҳаҳои афзалиятноки Тоҷикистон дар Бангкок баррасӣ шуд
Ҷаласаи панелии соҳавии «Шарикии рушд: тасмимҳои бонкӣ ва суғуртавӣ барои ҷомеаи соҳибкорӣ» баргузор шуд
ҚУРБИ АСЪОР: 1 доллари ИМА аз 9.1600 то 9.2430 сомонӣ муқаррар шудааст
«Саноатсодиротбонк» дар номинатсияи «Беҳтарин соҳибкор дар соҳаи бонкдорӣ» ғолиб гардид
Дар шаҳри Бангкок густариши ҳамкории Тоҷикистон бо Хазинаи байналмилалии асъор баррасӣ гардид
Намояндагони Тоҷикистон дар мулоқоти вазирони молия ва раисони бонкҳои марказии кишварҳои Қафқоз ва Осиёи Марказӣ иштирок намуданд
Роҳбарияти Бонки миллии Тоҷикистон дар ҷаласаҳои солонаи ХБА ва Гурӯҳи Бонки ҷаҳонӣ иштирок менамояд
