Дар шаҳри Душанбе Мусобиқаи байналмилалии Гран ─ Слам оид ба гӯштини ҷудо баргузор мегардад

ДУШАНБЕ, 20.03.2025. /АМИТ «Ховар»/. Дар асоси қарори Раиси шаҳри Душанбе моҳи май дар пойтахти мамлакат Мусобиқаи байналмилалии Гран-Слам оид ба гӯштини ҷудо баргузор мегардад. Дар ин хусус АМИТ «Ховар» бо истинод ба шуъбаи иттилоотии дастгоҳи Раиси шаҳри Душанбе хабар медиҳад.

Мусобиқаи байналмилалӣ аз 2 то 4 май дар Муассисаи давлатии «Қасри теннис ва маҷмааи варзишии обӣ»-и Мақомоти иҷроияи ҳокимияти давлатии шаҳри Душанбе баргузор карда мешавад.

Ҳадаф аз баргузории мусобиқа ташвиқу тарғиби тарзи ҳаёти солим, таъмини оммавияти варзиш ва солимгардонӣ мебошад.

АКС аз бойгонӣ