Донишҷӯёни Донишгоҳи техникии Тоҷикистон дар озмуни маҳорату маллакаи касбӣ дар Чин соҳиби медали нуқра шуданд
ДУШАНБЕ, 31.03.2025. /АМИТ «Ховар»/. Донишҷӯёни Донишгоҳи техникии Тоҷикистон ба номи академик Муҳаммад Осимӣ дар Конгресси ҷаҳонии рушди таҳсилоти касбӣ-техникӣ (WCITE), ки давоми моҳи октябр-ноябри соли 2024 дар шаҳри Тянҷини Ҷумҳурии Мардумии Чин баргузор гардид, иштирок намуда, медали нуқра ба даст оварданд. Дар ин хусус ба АМИТ «Ховар» аз Донишгоҳи техникии Тоҷикистон хабар доданд.
Донишҷӯёни Донишгоҳи техникии Тоҷикистон тибқи барномаи таълимии муштараки 2+2 дар доираи амалисозии фаъолияти Маркази таҷрибавӣ ва таълимоти касбии Тоҷикистону Чин — коргоҳи Лубан, ки дар он таҳсил доранд, бо роҳбарии устодони Донишгоҳи касбӣ-техникии идораи шаҳрсозии Тянҷин соҳиби медали нуқра гардиданд.
Озмуни маҳорату малакаи касбӣ дар 32 минтақаи Чин бо баргузор намудани ҳамоишҳои намоишӣ бо иштироки ҳайати дастаҳои намояндагони муассисаҳои таҳсилоти олӣ ва коллеҷҳои касбӣ-техникии 74 давлати ҷаҳон баргузор гардид.
Донишҷӯёни тоҷик ба ин озмун дар самти «Гузаронидани лӯлаҳои газ дар муҳити шаҳрӣ ва ошкор кардани ихроҷ — Urban Gas Pipeline Detection» лоиҳа пешниҳод намуда буданд.
Намояндагони Конгресси ҷаҳонии рушди таҳсилоти касбӣ-техникӣ 23 марти соли равон зимни ҳамоиш ба донишҷӯёни Донишгоҳи техникии Тоҷикистон медалу ифтихорномаҳои фахриро тақдим намуданд.
АКС: Донишгоҳи техникии Тоҷикистон ба номи академик Муҳаммад Осимӣ
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
Ёддошти тафоҳум байни Вазорати маориф ва илми Ҷумҳурии Тоҷикистон ва Вазорати маорифи Ҷумҳурии Корея ба имзо расид
Байни Тоҷикистон ва Корея Ёддошти тафоҳуми ҳамкорӣ оид ба барқарорсозии рақамии ҷангалҳо ва амалиёти иқлимӣ ба имзо расид
Барои рушди соҳаи маорифи ноҳияҳои водии Рашт дар 20 соли охир беш аз 2,1 миллиард сомонӣ равона шудааст
