Наврӯзи байналмилалӣ дар шаҳри Турсунзода ва ноҳияи Шаҳринав бо иштироки меҳмонон аз Узбекистон таҷлил гардид
ШАҲРИНАВ, 28.03.2025 /АМИТ «Ховар»/. Ҷашни байналмилалии Наврӯз дар шаҳри Турсунзода ва ноҳияи Шаҳринав бо иштироки меҳмонони дӯсту бародар аз вилояти Сурхондарёи Ҷумҳурии Узбекистон пуршукуҳ таҷлил гардид. Дар ин хусус ба хабарнигори минтақавии АМИТ «Ховар» Субҳониддини Маҳмуд аз мақомоти иҷроияи ҳокимияти давлатии шаҳри Турсунзода ва ноҳияи Шаҳринав иттилоъ доданд.
Зимни тантанаҳои Наврӯзи оламафрӯз меҳмонон- роҳбарияти мақомоти вилояти Сурхондарёи Ҷумҳурии Узбекистон ин ҷашни пайвандгари миллатҳо ва тақвиятдиҳандаи равобити дӯстию бародарии халқҳои тоҷику узбекро ба мардуми сарбаланди тоҷик шодбош гуфтанд.
Дар чорабиниҳои тантанавии ҷашни Наврӯзи байналмилалӣ хони густурдаи наврӯзӣ, урфу одат, анъана, таомҳои миллӣ, ҳунарҳои мардумӣ, ҳафтсину ҳафтшин, суманак, ҳунарҳои дӯзандагӣ, бофандагӣ, ресандагӣ ва амсоли инҳо, ки анъанаҳои наврӯзӣ маҳсуб мешаванд, ба маърази намоиш гузошта шуда, меҳмонону сокинон онҳоро тамошо намуданд.
Меҳмонон аз ҳавои тантана ва барномаҳои наврӯзӣ ба ваҷд омада, кулли сокинони сарбаланди Тоҷикистонро бо фарорасии Наврӯзи дилафрӯз табрик гуфта, ба хонадони онҳо ризқу рӯзии фаровон, сулҳу дӯстӣ, ваҳдату ҳамдилӣ ва бахту саодати рӯзгори ободро таманно намуданд.
Ба муносибати фаро расидани ҷашни фархундаи Наврӯзи ҷаҳонафрӯз ҳамчунин ба кишварҳои ҳавзаи Наврӯз шукуфоӣ ва Наврӯзи ҷовидон, бахту саодат ва сулҳу субот, инчунин рӯзгори босаодат, иқболи баланд ва зиндагии пурнишот таманно карда шуд.
Меҳмонон зимни барномаҳои тантанавии наврӯзӣ маконҳои таърихию сайёҳии шаҳри Турсунзода ва ноҳияи Шаҳринавро тамошо намуданд.
АКС: Мақомоти иҷроияи ҳокимияти давлатии шаҳри Турсунзода ва ноҳияи Шаҳринав
Маросими имзои Шартнома миёни Ҷумҳурии Тоҷикистон, Ҷумҳурии Қирғизистон ва Ҷумҳурии Узбекистон дар бораи нуқтаи пайвастшавии сарҳадҳои давлатии се кишвар
Мулоқоти сеҷонибаи сарони давлатҳои Тоҷикистон, Қирғизистон ва Узбекистон
Маросими имзои Протоколи мубодилаи Тасдиқномаҳои Аҳднома миёни Ҷумҳурии Тоҷикистон ва Ҷумҳурии Узбекистон дар бораи муносибатҳои ҳампаймонӣ
Дар Донишгоҳи аграрии Тоҷикистон ҷашни Наврӯзро бо шаҳомати хосса таҷлил намуданд
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Узбекистон Шавкат Мирзиёев мулоқот намуданд
Президенти Ҷумҳурии Узбекистон Шавкат Мирзиёев ба Ҷумҳурии Тоҷикистон ташриф овард
«НАВРӮЗ — ИДИ ЗАНОНИ ВАҲДАТСАРО». Дар шаҳри Хуҷанд Форуми байналмилалии занон баргузор мегардад
Президенти Ҷумҳурии Тоҷикистон Эмомалӣ Раҳмон бо Президенти Ҷумҳурии Қирғизистон Садир Жапаров мулоқот намуданд
Президенти Ҷумҳурии Қирғизистон Садир Жапаров ба Ҷумҳурии Тоҷикистон ташриф овард
Пешвои миллат Эмомалӣ Раҳмон дар деҳаи Шамсободи ноҳияи Бобоҷон Ғафуров Маркази саломатиро мавриди истифода қарор доданд
Дар шаҳри Хуҷанд таҳти унвони «Эмомалӣ Раҳмон — эҳёгари ҷашну анъанаҳои миллии тоҷикон» конференсияи илмӣ-назариявӣ доир шуд
Сокинони Ҷамоати деҳоти Аличури ноҳияи Мурғоб ҷашни Наврӯзро таҷлил намуданд
