Омӯзгорони Донишгоҳи байналмилалии сайёҳӣ ва соҳибкории Тоҷикистон дар машварати байналмилалӣ иштирок намуданд

ДУШАНБЕ, 29.03.2025. /АМИТ «Ховар»/. Дар доираи «Шашумин намоишгоҳи байналмилалии сайёҳӣ ва меҳмоннавозии баҳори Синҷон», ки дар шаҳри Урумчии Ҷумҳурии Мардумии Чин баргузор гардид, омӯзгорони Донишгоҳи байналмилалии сайёҳӣ ва соҳибкории Тоҷикистон дар машварати байналмилалӣ таҳти унвони «Самаранокии соҳаи сайёҳӣ ба рушди давлатҳо» иштирок намуданд. Дар ин хусус ба АМИТ «Ховар» аз ин донишгоҳ хабар доданд.

Зимни машварат мутахассисон аз давлатҳои гуногун оид ба нақши сайёҳӣ дар рушди иқтисодӣ ва иҷтимоии давлатҳо ибрози назар намуданд.

Иштирокчиён аз Ҷумҳурии Тоҷикистон дар ин машварат вобаста ба  таҷрибаи рушди соҳаи сайёҳӣ дар Тоҷикистон ва имконияти густариши ҳамкории байналмилалӣ дар ин самт маъруза намуданд.

Ҳамчунин иштирокчиён доир ба тамоюлҳои нави рушди сайёҳӣ ва стратегияҳои ҷалби сармоягузорӣ мубодилаи афкор намуданд.

АКС: Донишгоҳи байналмилалии сайёҳӣ ва соҳибкории Тоҷикистон