Тоҷикистон ва Қирғизистон ҳамкориро дар соҳаи кишоварзӣ вусъат мебахшанд
ДУШАНБЕ, 13.03.2025. /АМИТ «Ховар»/. Имрӯз аз рӯйи натиҷаҳои гуфтушунидҳои сарони давлатҳои Тоҷикистон ва Қирғизистон маросими имзои 16 санади дуҷониба доир гардид. Аз ҷумла, Созишнома байни Вазорати кишоварзии Ҷумҳурии Тоҷикистон ва Вазорати захираҳои об, кишоварзӣ ва саноати коркарди Ҷумҳурии Қирғизистон оид ба ҳамкорӣ дар соҳаи кишоварзӣ ба имзо расонида шуд.
Тавре аз Вазорати кишоварзии Ҷумҳурии Тоҷикистон ба АМИТ «Ховар» иттилоъ доданд, ин созишнома бо мақсади вусъат додани ҳамкорӣ дар соҳаи кишоварзӣ ва рушди ҳамкории илмӣ-техникӣ ва иқтисодӣ дар соҳаи кишоварзӣ ба имзо расид.
Дар доираи ин санад ҳамкорӣ дар самтҳои зерин: растанипарварӣ, чорводорӣ, механиконии истеҳсолоти кишоварзӣ, гузаронидани таҳқиқоти муштараки фаромарзӣ ва чорабиниҳои муборизавӣ бар зидди малах дар минтақаҳои наздисарҳадӣ, технологияи инноватсионӣ дар соҳаи кишоварзӣ, гузаронидани таҳқиқоти илмии муштарак дар соҳаи кишоварзӣ, табодули таҷриба оид ба рушди кооперативҳои кишоварзӣ ва табодули таҷриба оид ба рушди кластерҳои агросаноатӣ амалӣ мешавад. Инчунин мубодилаи татбиқи технологияи нав дар истеҳсоли маҳсулоти чорводорӣ ва растанипарварӣ доир шуда, намоишгоҳҳо, семинарҳо, конфронсҳо ва симпозиумҳо ташкил ва гузаронида мешаванд.
Амалишавии созишнома ба ташкил ва фароҳам овардани шароит дар барқарор намудани равобити бевоситаи субъектҳои хаҷагидории Ҷумҳурии Тоҷикистон ва Ҷумҳурии Қирғизистон дар воридоту содироти маҳсулоти кишоварзӣ, захираҳои моддию техникӣ барои баланд бардоштани сатҳи амнияти озуқавории мамлакат ва беҳтар намудани вазъи иқтисодиёти ҷумҳурӣ мусоидат намуда, барои рушди соҳаи кишоварзии мамлакат мусбат арзёбӣ мегардад.
Дар доираи татбиқи созишнома бо ризоияти тарафайн аз рӯйи лоиҳаҳои мушаххас шартномаҳо ва созишномаҳо баста мешаванд ва ин созишнома барои онҳо асос мегардад.
Созишнома ба муҳлати 5 (панҷ) сол баста шудааст. Созишнома аз дебоча ва 10 модда иборат буда, бо мақсади густариши ҳамкорӣ дар соҳаи кишоварзӣ барои манфиат ва беҳбуди мардумони ҳарду мамлакат ва баҳисобгирии мавқеи асосии бахши аграрӣ дар рушди иқтисод ва амнияти озуқаворӣ мувофиқи мақсад мебошад.
АКС аз манбаъҳои ьоз
Пешвои миллат Эмомалӣ Раҳмон: «Ман ба масъулиятшиносӣ, таҷриба ва заҳмати софдилонаи бунёдгарони «Роғун» эътимоди комил дорам»
Президенти Тоҷикистон: «Бунёди Неругоҳи барқи обии «Роғун» муҳимтарин дастоварди даврони соҳибистиқлолии Тоҷикистон аст»
Дар вилояти Суғд шумораи корхонаҳои саноатӣ нисбат ба соли 1991 беш аз ҳазор адад зиёд шудааст
Дар ҳавзаи дарёи Кофарниҳон се стансияи худкори обуҳавосанҷӣ насб карда шуд
Ҷаласаи Комиссияи байниидоравӣ оид ба муқовимат ба қонунигардонии даромадҳои бо роҳи ҷиноят бадастоварда, маблағгузории терроризм ва маблағгузории паҳнкунии силоҳи қатли ом доир гардид
Дар ноҳияи Мастчоҳ тадбирҳои агротехникӣ барои ҷамъоварии ҳосили зироат идома доранд
Дар Душанбе нахустин Форум ва намоишгоҳи байналмилалии саноати хӯрокворӣ — Тоҷикистон-2026 оғоз ёфт
«ИСТИҚЛОЛ» — ЗУҲУРОТИ НАВИ АМЕТИСТ. Он бахшида ба 35-солагии Истиқлоли давлатии Ҷумҳурии Тоҷикистон номгузорӣ шудааст
Дар ҷаласаи Кумитаи байнидавлатии авиатсионӣ ифтитоҳи хатсайрҳои нави ҳавоӣ байни Тоҷикистон ва кишварҳои ИДМ баррасӣ шуд
Раванди татбиқи барномаи иммунопрофилактика ва Консепсияи иқтисоди рақамӣ баррасӣ шуд
Хати магистралии алоқаи «Душанбе–Хоруғ–Қулма» то охири моҳи сентябр ба истифода дода мешавад
Нахустин гурӯҳи роҳбаладони «Shohin Airlines» барои гузаштани омӯзиши касбӣ ба Turkish Aviation Academy фиристода шуд
