Туркия имзои Шартнома байни Тоҷикистон ва Қирғизистонро оид ба сарҳади давлатӣ истиқбол менамояд

ДУШАНБЕ, 15.03.2025 /АМИТ «Ховар»/. Вазорати корҳои хориҷии Ҷумҳурии Туркия  имзои Шартнома байни Тоҷикистон ва Қирғизистонро оид ба сарҳади давлатӣ истиқбол менамояд, хабар доданд ба АМИТ «Ховар» дар Сафорати Туркия дар Душанбе.

«Мо аз созишномаи муайян намудани хати сарҳад, ки 13 март байни  миёни Тоҷикистон ва Қирғизистон ба имзо расид, истиқбол мекунем. Умедворем, ки ин созишнома, ки дар натиҷаи муколамаи наздики ду мамлакат  дар сатҳи олӣ ба имзо расид, ба сулҳу субот ва ҳамкорӣ дар минтақа мусоидат хоҳад намуд»,- иброз доштанд дар сафорат.

Ёдовар мешавем, ки 13 март аз рӯйи натиҷаҳои гуфтушунидҳо Сарони давлатҳои Тоҷикистон ва Қирғизистон муҳтарам Эмомалӣ Раҳмон ва муҳтарам Садир Жапаров зери Изҳороти муштарак доир ба таҳкими минбаъдаи дӯстӣ ва ҳамсоягии наку ва Шартнома байни Ҷумҳурии Тоҷикистон ва Ҷумҳурии Қирғизистон дар бораи сарҳади давлатӣ имзо гузоштанд.

АКС: Хадамоти матбуоти Президенти Ҷумҳурии Тоҷикистон/АМИТ «Ховар»