Дар Коллеҷи махсусгардонидашудаи шаҳри Бохтар вобаста ба саҳми иқтисоди рақамӣ ва инноватсия ҳамоиш доир шуд

ДУШАНБЕ, 22.04.2025 /АМИТ «Ховар»/. Имрӯз дар Коллеҷи махсусгардонидашудаи шаҳри Бохтар бахшида ба Рӯзи илми тоҷик таҳти унвони «Саҳми иқтисоди рақамӣ ва инноватсия дар рушди амнияти озуқаворӣ, иқтисоди аграрӣ ва бахши табиию риёзӣ: назария, методология ва ҷанбаҳои амалӣ» конференсияи илмӣ — амалии ҷумҳуриявӣ баргузор гардид. Дар ин хусус ба АМИТ «Ховар» аз ин коллеҷ хабар доданд.

Дар конференсия роҳбарият, намояндагони мақомоти иҷроияи ҳокимияти давлатии вилояти Хатлон, шаҳри Бохтар, олимон, муҳаққиқон, мутахассисон, коршиносон ва донишмандон аз муассисаҳои таҳсилоти ибтидоӣ, миёна ва олии касбӣ, намояндагони институтҳои таҳқиқотӣ ва намояндагони дигар ташкилоту муассисаҳо суханронӣ намуданд.

Масъалаҳои иқтисоди рақамӣ, инноватсия, амнияти озуқаворӣ, соҳаи кишоварзӣ, зеҳни сунъӣ, обу иқлим, бахши табиию риёзӣ, ташаббусҳои байналмилалии Президенти Тоҷикистон, тағйирёбии иқлим, терроризму ифротгароӣ, соҳаи соҳибкорию сайёҳӣ, иқтисоди «сабз», комплекси агросаноатӣ, андозу молия, бонку тиҷорат ва дигар соҳаҳои хоҷагии халқи ҷумҳурӣ зимни конференсия баррасӣ шуданд.

АКС: Коллеҷи махсусгардонидашудаи шаҳри Бохтар