Попи Рим Франсиск дар 88-солагӣ даргузашт
ДУШАНБЕ, 21.04.2025 /АМИТ «Ховар»/. Попи Рим Франсиск дар 88-солагӣ даргузашт. Тавре АЗЕРТАҶ бо истинод ба агентии «Reuters» хабар медиҳад, дар ин хусус Ватикани расмӣ иттилоъ додааст.
Дар изҳорот омадааст, ки «Попи Рим Франсиск даргузашт».
Попи Рим Франсиск 88-сола буд. Дар миёнаҳои моҳи феврал ӯ дар клиникаи «Ҷемелли»-и Рим барои табобати бемории бронхит бистарӣ карда шуд. Сипас ташхисҳо оғози пневмонияи дуҷонибаро ошкор намуданд.
Попи Рим панҷ ҳафтаро дар беморхона сипарӣ карда, чор буҳрони роҳи нафасро гузаронид. Дар ин давра ба ҳаёти ӯ ду дафъа хатар таҳдид намуд. Понтификро 23 март аз беморхона рухсат доданд, аз он вақт инҷониб ӯ танҳо як маротиба дар назди омма намоён шуд, аммо якчанд қабул дошт.
Понтифик, ки зодаи Аргентина буд, калисои католикии Римро 12 сол роҳбарӣ намуд. Понтификати ӯ кӯшиш барои ислоҳот ва мубориза бо мушкилоти дохилии калисо ба шумор мерафт.
АКС аз манбаъҳои боз
Имрӯз дар водиҳои Тоҷикистон ҳаво то 36 дараҷа гарм мешавад
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
