ТАҚВИМИ АМИТ «ХОВАР»: имрӯз 4 апрел, ҷумъа, 94-умин рӯзи соли 2025 аст

4 апрели соли 2013  Президенти Ҷумҳурии Тоҷикистон муҳтарам Эмомалӣ Раҳмон Ноиби калони Президенти Бонки ҷаҳонӣ Каушик Басуро ба ҳузур пазируфтанд.

***

4 апрели соли 2013 Президенти Тоҷикистон муҳтарам Эмомалӣ Раҳмон маротибаи дуюм Президенти Кумитаи миллии олимпӣ интихоб гардиданд.

***

4 апрели соли 2014 дар шаҳри Қайроққум (ҳозира Гулистон)-и вилояти Суғд Президенти Тоҷикистон муҳтарам Эмомалӣ Раҳмон ба бунёди хати 220-киловолтаи интиқоли неруи барқи Қайроққум-Ашт оғоз бахшиданд.

***

Дар ин рӯзи соли 2017 дар Душанбе ҳамоиши доираҳои тиҷоратӣ ва соҳибкорони Тоҷикистон ва Австрия, ки ба тавсеаи ҳамкории иқтисодии ду давлат ва ҷалби сармоягузорони Австрия дар татбиқи лоиҳаҳои гуногуни бахши иқтисодиёти Тоҷикистон равона шуда буд, баргузор гардид.

***

4 апрели соли 2018 Консепсияи сиёсати давлатии Ҷумҳурии Тоҷикистон дар соҳаи дин қабул гардид.

***

4 апрели соли 2023 дар Душанбе Форуми сармоягузории Тоҷикистон ва Озарбойҷон баргузор шуд.

***

4 апрели соли 2024  Пешвои миллии халқи туркман — Раиси Халқ Маслиҳатии Туркманистон муҳтарам Гурбонгулӣ Бердимуҳамедов бо сафари расмӣ ба Ҷумҳурии Тоҷикистон ташриф овард. Дар доираи ин сафари расмӣ музокироти сатҳи олии Тоҷикистон ва Туркманистон  баргузор шуда,  санадҳои нави ҳамкорӣ ба имзо расиданд.

***

4 апрели соли 2024 дар толори бошукуҳи «Кохи Борбад» барномаи фарҳангии ходимони санъати Тоҷикистон ва Туркманистон баргузор гардид, ки дар он Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Пешвои миллии халқи туркман — Раиси Халқ Маслиҳатии Туркманистон муҳтарам Гурбонгулӣ Бердимуҳамедов иштирок намуданд.

4 АПРЕЛ:

Рӯзи Интернет.

***

Рӯзи Веб-барномасозон.

ДАР ИН РӮЗ ТАВАЛЛУД ШУДААНД:

 Бурҳон Раҳмон— соли 1934 -ровии шинохтаи телевизион ва радио