Вазорати нақлиёт дар ноҳияҳои Рӯдакию Восеъ ду ва дар Бадахшон сохтмони якчанд кӯпрукро ба нақша гирифтааст
ДУШАНБЕ, 21.04.2025 /АМИТ «Ховар»/. Дар доираи лоиҳаи давлатии сармоягузории «Баланд бардоштани сатҳи омодагӣ ва устуворӣ ба офатҳои табиӣ дар Тоҷикистон», ки аз ҷониби Бонки ҷаҳонӣ маблағгузорӣ мешавад, соли 2024 байни Вазорати нақлиёти Тоҷикистон ва ширкати Кореяи Ҷанубӣ ISAN Corporation дар бораи пешниҳоди хизматҳои консалтингӣ қарордод ба имзо расид, ки ҳадафи он омода кардани асосҳои техникӣ-иқтисодӣ ва нақшаҳои муфассали корӣ, ҳуҷҷатҳои тендерӣ ва воситаҳои экологӣ барои сохтмони ду пул дар ноҳияи Рӯдакӣ ва ду пули дигар дар ноҳияи Восеъ мебошад.
Ин нуктаро Вазири нақлиёти ҷумҳурӣ Азим Иброҳим дар мулоқот бо ҳайати Бонки ҷаҳонӣ таҳти сарварии Роҳбари Дафтари намояндагии Бонки ҷаҳонӣ дар Тоҷикистон Вей Винни Ванг иброз намуд.
Вазири нақлиёти Тоҷикистон гуфт, ки дар доираи татбиқи Барномаи беҳдошти роҳҳои алоқаи минтақавӣ дар Осиёи Марказӣ (БРАМОМ) моҳи апрели соли 2024 вазорат бо ширкати машваратии бритониёии EASST Expertize LTD барои расонидани хизматрасонӣ оид ба дастгирии Раёсати Бозрасии давлатии автомобилии Вазорати корҳои дохилии Ҷумҳурии Тоҷикистон барои баланд бардоштани сатҳи истифодаи камарбанди бехатарӣ қарордод ба имзо расонид.
Ҳамзамон якчанд лоиҳаи сармоягузорӣ, ба монанди таҷдиди роҳи автомобилгарди «Хуҷанд – Исфара» ва сохтмони якчанд пул дар Вилояти Мухтори Кӯҳистони Бадахшон муваффақона амалӣ карда шуданд. Дар ҷараёни корҳои сохтмонӣ дар ин пулҳо усулҳои инноватсионӣ ва маводи босифат истифода бурда, шабакаҳои габионӣ насб карда шуданд.
Вазири нақлиёти мамлакат ва намояндагони Бонки ҷаҳонӣ инчунин самтҳои афзалиятноки ҳамкорӣ дар бахши нақлиёт, аз ҷумла рушди инфрасохтор, татбиқи технологияи пешрафта ва ҳалли устувори нақлиётро баррасӣ намуданд.
АКС: Вазорати нақлиёти Ҷумҳурии Тоҷикистон
Дар Душанбе дурнамои тақвияти ҳамкории Тоҷикистон бо БАТР баррасӣ гардид
Дар Душанбе оид ба сохтмони корхонаи «энергия аз партовҳо» вохӯрӣ доир шуд
«САФЕДДАРА» — МАКОНЕ, КИ ҲАР САЙЁҲ ОРЗУИ ДУБОРА ДИДАНИ ОНРО ДОРАД! Иштирокдорони Конфронси чоруми оби Душанбе аз тамошои ин гӯшаи нотакрори Тоҷикистон эҳсоси хушҳолӣ намуданд
Дар мулоқоти вазирони энергетика ва оби Тоҷикистон ва Либия натиҷаҳои Конфронси сатҳи баланди оби Душанбе баррасӣ шуданд
Гурӯҳи кории Хадамоти зиддиинҳисорӣ барои танзими нархи семент дар бозорҳои ҷумҳурӣ санҷиш гузаронид
Ғолибони Озмуни ҷумҳуриявӣ таҳти унвони «Ҷавонон– муқобили коррупсия» қадрдонӣ карда шуданд
Дар Остона ҷаласаи 12-уми Шурои сиёсати саноатии кишварҳои аъзои ИДМ баргузор гардид
РӮЗИ БАЙНАЛМИЛАЛИИ КАРТОШКА. Ин зироат аз ҳисоби ҳаҷми умумии истеҳсол дар ҷаҳон ҷои сеюмро ишғол менамояд
Тоҷикистон лоиҳаи бунёди корхонаи коркарди партовҳои сахти маишӣ ва истеҳсоли неруи барқро аз ҳисоби партовҳо амалӣ менамояд
Гардиши савдо байни Тоҷикистон ва Эрон қариб 9 миллион доллар афзоиш ёфтааст
Ҳайати Тоҷикистон дар ҷаласаи вазирони молия ва раисони бонкҳои марказии давлатҳои аъзои СҲШ иштирок намуд
