Ингминг Янг: «Саҳм ва пешниҳодҳои Президенти Тоҷикистон дар масъалаи ҳифзи пиряхҳо ва иқлим арзиши бузург доранд»
ДУШАНБЕ, 28.05.2025 /АМИТ «Ховар»/. «Саҳм ва пешниҳодҳои шахсии Президенти Ҷумҳурии Тоҷикистон муҳтарам Эмомалӣ Раҳмон дар пешбурди барномаҳои муҳими ҷаҳонӣ, аз ҷумла истифодаи оқилонаи захираҳои оби фаромарзӣ ва ҳифзи пиряхҳо дорои арзиши бузург ва таъсири муассир мебошанд», – изҳор дошт имрӯз дар шаҳри Душанбе ноиби Президенти Бонки Осиёии рушд Ингминг Янг пас аз мулоқот бо Пешвои миллат муҳтарам Эмомалӣ Раҳмон .
Ингминг Янг таъкид намуд, ки давоми се рӯз дар Ҷумҳурии Тоҷикистон аввалин Конфронси байналмилалии сатҳи баланд оид ба ҳифзи пиряхҳо баргузор мегардад. Ба андешаи ӯ, ин ҳамоиши сатҳи баланд чорабинии муҳими байналмилалӣ буда, барои тақвияти ҳамкорӣ байни ҷонибҳои гуногуни манфиатдор ҷиҳати ҳалли мушкилоти глобалии марбут ба тағйирёбии иқлим ва об аҳамияти хосса дорад.
«Коҳиш ва нобудшавии пиряхҳо ба ҳаёт ва зиндагии зиёда аз 2 миллиард аҳолии сайёра таҳдид мекунад. Барои муқовимат бо ин раванд зарур аст, ки тадбирҳои фаврӣ ва бетаъхир амалӣ карда шаванд. Саҳм ва ташаббусҳои шахсии Президенти Ҷумҳурии Тоҷикистон муҳтарам Эмомалӣ Раҳмон бозгӯи нақши пешбарандаи Ҷумҳурии Тоҷикистон дар ин самти муҳими глобалӣ мебошанд», — афзуд ноиби Президенти Бонки Осиёии рушд.
Ингминг Янг ҳамзамон иттилоъ дод, ки солҳои наздик Бонки Осиёии рушд барои дастгирии нуҳ кишвари осебпазир аз тағйирёбии иқлим, аз ҷумла обшавии пиряхҳо ва пешбурди рушди устувор беш аз 3,5 миллиард доллари ИМА ҷудо хоҳад кард.
Ёдовар мешавем, ки ноиби Президенти Бонки Осиёии рушд Ингминг Янг барои иштирок дар аввалин Конфронси байналмилалии сатҳи баланд оид ба ҳифзи пиряхҳо ба шаҳри Душанбе ташриф овардааст.
АКС: АМИТ «Ховар»
Сафири Тоҷикистон дар Давлати Кувайт бо Дабири кулли Муколамаи ҳамкории Осиё мулоқот намуд
Мероси Мир Сайид Алии Ҳамадонӣ дар нишасти байналмилалӣ дар Теҳрон баррасӣ гардид
Талошҳои Президенти Тоҷикистон дар ташаккул ва пешбурди дипломатияи сулҳофарӣ дар муносибатҳои байналмилалӣ назаррасанд
Мусоҳибаи Сафири Ҷумҳурии Тоҷикистон дар Салтанати Умон Зубайдулло Зубайдзода бо рӯзномаи «Умон»
Идибек Қаландар бо муовини Дабири кулли Хадамоти амалиёти хориҷии Аврупо мулоқот намуд
СУЛҲУ ОРОМӢ — АРЗИШИ МУҚАДДАСУ ТАЪРИХӢ. Мулоҳизаҳо дар ҳошияи ташаббусҳои байналмилалии Президенти Тоҷикистон
Дар Теҳрон масоили рушди ҳамкории Тоҷикистон ва Эрон дар соҳаи нақлиёт баррасӣ гардид
Қоҳир Расулзода ҳамдардии амиқи Ҳукумат ва мардуми Тоҷикистонро ба давлат ва мардуми Давлати Қатар иброз намуд
Таҳкими ҳамкорӣ байни сохторҳои дахлдори иқтисодии Тоҷикистон ва Умон баррасӣ шуд
ПЕШВОИ МИЛЛАТ ВА МАРҲАЛАИ НАВИ ТАҲКИМИ СУЛҲИ ҶАҲОНӢ. Дар ҳошияи қабули Қатъномаи Маҷмаи Умумии СММ оид ба эълони «Даҳсолаи байналмилалӣ оид ба таҳкими сулҳ ба хотири наслҳои оянда»
Дар Ню-Йорк натиҷаҳои Конфронси чоруми байналмилалии сатҳи баланд оид ба об дар Душанбе муаррифӣ шуданд
Дар Масқат рушди ҳамкории Тоҷикистону Умон дар соҳаҳои гуногун баррасӣ шуд
