Мавсума Муинӣ раисикунандаи гурӯҳи парламентии Кумитаи доимамалкунанда оид ба масъалаҳои иқлим интихоб гардид
ДУШАНБЕ, 02.05.2025 /АМИТ «Ховар»/. 27 — 28 апрел дар шаҳри Куала-Лумпури Малайзия иҷлосияи 15-уми Ассамблеяи генералии Форуми парламентҳои Осиёӣ оид ба аҳолӣ ва рушд (AFPPD) баргузор шуд, ки дар он муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ иштирок намуд. Дар ин хусус ба АМИТ «Ховар» аз Маҷлиси намояндагон иттилоъ доданд.
Зимни суханронӣ Мавсума Муинӣ иброз намуд, ки Маҷлиси намояндагони Маҷлиси Олии Ҷумҳурии Тоҷикистон аз соли 2001 инҷониб аъзои Форуми парламентҳои Осиё оид ба аҳолӣ ва рушд (AFPPD) мебошад.
Мавсума Муинӣ оид ба тадбирҳои андешидаи Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати ҷумҳурӣ ба хотири таъмини риояи ҳуқуқҳои конститутсионии занон, фароҳам овардани шароити муносиби кору зиндагӣ, инчунин таҳкими мақому манзалати онҳо дар ҷомеа сухан гуфта, қонунҳои миллӣ, консепсияю стратегия ва барномаю нақшаҳои миллии дар ин самт қабулшударо муаррифӣ намуд.
«Мо комилан ҷонибдори татбиқи минбаъдаи Барномаи амали Конфронси байналмилалӣ оид ба аҳолӣ ва рушд буда, даъват менамоем, ки бозёфтҳо ва тавсияҳои дар баррасиҳои минтақавӣ бадастомада ба Рӯзномаи Саммити оянда дохил карда шаванд»,- гуфт Мавсума Муинӣ.
Дар иҷлосия ҳайати нави Кумитаи иҷроия интихоб шуда, Мавсума Муинӣ бо ҷонибдории якдилонаи иштирокдорон раисикунандаи гурӯҳи парламентии Кумитаи доимамалкунанда оид ба масъалаҳои иқлими Форуми парламентҳои Осиёӣ оид ба аҳолӣ ва рушд (AFPPD) интихоб гардид.
АКС: Маҷлиси намояндагони Маҷлиси Олии Ҷумҳурии Тоҷикистон
ПАРЛАМЕНТ ВА ДИПЛОМАТИЯИ МИЛЛӢ: 35 СОЛИ ТАҶРИБАИ ДАВЛАТДОРИИ МУСТАҚИЛИ ТОҶИКИСТОН. Андешаҳои муовини Раиси Маҷлиси намояндагон Мавсума Муинӣ
Дилноза Аҳмадзода: «Истиқлолият заминаи асосии таҳкими давлатдории миллӣ ва рушди Тоҷикистон гардид»
Файзалӣ Идизода сокинони Сангворро ба гиромӣ доштани дастовардҳои Истиқлоли давлатӣ даъват намуд
35 СОЛИ СОҲИБИСТИҚЛОЛӢ. Марҳилаи пур аз рӯйдодҳои муҳим, созандагӣ ва дастовардҳои беназири Тоҷикистон
Вакилони Маҷлиси намояндагон ба фаъолони ноҳияҳои Исмоили Сомонӣ ва Шоҳмансури пойтахт моҳияти Истиқлоли давлатиро шарҳ доданд
Муовини якуми Раиси Маҷлиси намояндагон бо фаъолони шаҳри Панҷакент вохӯрӣ намуд
Файзалӣ Идизода бо аскарону афсарон ва фаъолони ноҳияи Сангвор вохӯрӣ намуд
Вохӯрии вакили Маҷлиси намояндагон бо кормандони Раёсати Вазорати корҳои дохилӣ дар шаҳри Душанбе доир шуд
Дастовардҳои соҳаи маориф дар солҳои Истиқлолияти давлатӣ дар шаҳри Ҳисор баррасӣ шуданд
Вакили Маҷлиси намояндагон бо фаъолони ноҳияи Шамсиддин Шоҳин вохӯрӣ намуд
Вакилони Маҷлиси намояндагон бо фаъолони ноҳияи Фирдавсӣ вохӯрӣ намуданд
Вакили Маҷлиси намояндагон бо кормандони соҳаи тандурустии шаҳри Ҳисор вохӯрӣ намуд
