ТАҚВИМИ АМИТ «ХОВАР»: имрӯз 21 май, чоршанбе, 141-умин рӯзи соли 2025 аст

21 майи соли 1904 дар шаҳри Париж Ассотсиатсияи байналмилалии федератсияи футбол (ФИФА) ташкил ва нахустин президенти ФИФА Робер Герен интихоб гардид.

***

21 майи соли 2006 дар Черногория барои ба даст овардани истиқлол раъйпурсӣ баргузор шуд.

***

21 майи соли 2007 дар Ҷумҳурии Мардумии Чин Рӯзҳои фарҳанги Тоҷикистон доир гардиданд.

***

21 майи соли 2007 дар шаҳри Душанбе Фестивали санъати мусиқии Осиёи Марказӣ таҳти унвони «Баҳористон» баргузор шуд.

***

21 майи соли 2009 дар шаҳри Остонаи Ҷумҳурии Қазоқистон Сарвазири вақти Ҷумҳурии Тоҷикистон Оқил Оқилов дар ҷаласаи навбатии Шурои сарони ҳукуматҳои Иттиҳоди Давлатҳои Мустақил суханронӣ намуд.

***

21 майи соли 2010 дар шаҳри Санкт-Петербург ҷаласаи 26-уми роҳбарони сохторҳои Шурои байнидавлатии мақомоти олии Иттиҳоди гумрукии Русия, Беларус ва Қазоқистон, Шурои байнидавлатии Иттиҳоди иқтисодии АвруОсиё дар сатҳи роҳбарони ҳукуматҳо ва Шурои роҳбарони ҳукуматҳои давлатҳои аъзои Иттиҳоди Давлатҳои Мустақил (ИДМ) баргузор гардид.

***

21 майи соли 2013 Президенти Ҷумҳурии Тоҷикистон муҳтарам Эмомалӣ Раҳмон дар вохӯрии 38-уми Шурои директорони Бонки рушди исломӣ, ки дар шаҳри Душанбе баргузор гардид, суханронӣ намуданд. Бояд гуфт, ки ба ин вохӯрии сатҳи олӣ зиёда аз 740 меҳмони хориҷӣ қариб аз 80 ташкилоти минтақавию байналмилалии кишварҳои ҷаҳон  ташриф оварда буд.

***

21 майи соли 2014 дар иҷлосияи навбатии  Маҷлиси намояндагони Маҷлиси Олии Ҷумҳурии Тоҷикистон ворид намудани тағйиру иловаҳо ба Қонуни Ҷумҳурии Тоҷикистон «Дар бораи Ваколатдор оид ба ҳуқуқи инсон дар Ҷумҳурии Тоҷикистон» мавриди мҳокимаи вакилон қарор гирифт.

***

21 майи соли 2017 дар Тоҷикистон Дави миллӣ доир шуд, ки дар он намояндагони қишрҳои гуногуни ҷомеа, ташкилоту муассисаҳо ва корхонаҳо иштирок намуданд.

***

21 майи соли 2017 дар Арабистони Саудӣ Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар Саммити сарони давлатҳои олами арабу ислом ва Америка иштирок ва суханронӣ намуданд.

***

21 майи соли 2019 дар Қасри миллат Президенти Ҷумҳурии Тоҷикистон муҳтарам Эмомалӣ Раҳмон Вазири корҳои хориҷӣ ва аврупоии Ҷумҳурии Словакия, Раиси амалкунандаи Созмони амнияту ҳамкорӣ дар Аврупо Мирослав Лайчакро ба ҳузур пазируфтанд.

***

21 майи соли 2021 дар «Кохи Борбад» Президенти Ҷумҳурии Тоҷикистон муҳтарам Эмомалӣ Раҳмон дар Рӯзи ҷавонон бо намояндагони ҷавонони мамлакат мулоқоти самимию созанда анҷом доданд. Зимни мулоқот Сарвари давлат иброз доштанд, ки бо мақсади дастгирии ҷавонон, ташаккул ва тарғиби тарзи ҳаёти солим дар байни онҳо, бо шуғл таъмин намудани ин қишри фаъоли ҷомеа, дарёфт ва дастгирии истеъдодҳои нав, ҳимояи ҳуқуқ ва манфиатҳои насли ҷавон моҳи майи соли 1997 қарори Ҳукумати мамлакат доир ба таъсиси Кумитаи кор бо ҷавонони назди Ҳукумати Ҷумҳурии Тоҷикистон қабул гардида, 23 май Рӯзи ҷавонони Тоҷикистон эълон карда шуд.

***

21 майи соли 2022 дар Бухоро ҷаласаи ҳамоҳангсозон ва коршиносони бонкҳои аъзои Иттиҳоди байнибонкии Созмони ҳамкории Шанхай доир гардид.

***

21 майи соли 2023 иқтидори сайёҳии Тоҷикистон дар Форуми Қазон 2023 муаррифӣ карда шуд.

***

Дар ин рӯзи соли 2024 АМИТ «Ховар» хабар дод, ки дурнамои таҳкими ҳамкории Тоҷикистон ва Озарбойҷон дар соҳаҳои афзалиятноки иқтисодӣ дар мулоқоти Вазири саноат ва технологияҳои нави Тоҷикистон Шералӣ Кабир ва вазири иқтисоди Озарбойҷон Микаил Ҷабборов дар Боку баррасӣ гардид. Дар мулоқот инчунин аҳамияти идомаи фаъолияти муштарак бо Тоҷикистон дар бахшҳои энергетика, рушди саноати алюминий, кишоварзӣ ва саноати нассоҷӣ таъкид гардид.

21 МАЙ ТАҶЛИЛ МЕГАРДАД:

Рӯзи ҷаҳонии гуногунии фарҳангҳо барои гуфтугӯ ва рушд.

***

Рӯзи байналмилалии чой.

ДАР ИН РӮЗ ТАВАЛЛУД ШУДААНД:

Нигина Рауфова— соли 1945- ҳунарманди маъруфи тоҷик, Ҳофизи халқии Тоҷикистон (1977).