Вобаста ба технологияҳои инноватсионии истихроҷ конференсияи байналмилалӣ доир гардид
ДУШАНБЕ, 20.05.2025 /АМИТ «Ховар»/. Дар Донишкадаи кӯҳию металлургии Тоҷикистон дар ҳамкорӣ бо Хадамоти назорати давлатии бехатарии корҳо дар саноат ва соҳаи кӯҳкории назди Ҳукумати Ҷумҳурии Тоҷикистон таҳти унвони «Технологияҳои инноватсионии истихроҷ ва бозкоркарди канданиҳои фоиданок» конференсияи байналмилалии илмӣ-амалӣ баргузор шуд.
Тавре ба АМИТ «Ховар» аз ин донишкада хабар доданд, конференсия ба Солҳои рушди саноат (2022–2026) ва «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» (2020–2024) бахшида шуд.
Ректори Донишкадаи кӯҳию металлургии Тоҷикистон Бахтиёр Маҳмадалӣ аҳамият ва нақши саноатикунонии босуръати мамлакатро ҳадафи асосии давлат таъкид намуд.
Зимни маърузаҳо масъалаҳо оид ба технологияҳои муосир ва истифодаи маҷмуии мошинҳо ва механизмҳо дар раванди коркарди конҳои кӯҳӣ, зарурати татбиқи усулҳои пешқадами истихроҷ бо мақсади баланд бардоштани самаранокӣ, коҳиш додани хароҷот ва таъмини бехатарии корҳо дар шароити мураккаби конҳои кӯҳӣ, аҳамияти дониш ва малакаҳои муҳандисӣ дар таъмини бехатарӣ дар муҳити саноатӣ, бахусус дар соҳаи истихроҷ ва коркарди канданиҳои фоиданок, истифодаи технологияҳои биотехнологӣ дар барқарорсозии конҳои урани қаблан коркардшуда ва ғайра мавриди таҳлил қарор дода шуданд.
Рушди устувори соҳаи кӯҳӣ-металлургӣ на танҳо ба истихроҷ ва коркарди самараноки захираҳои табиӣ, балки ба амалӣ намудани технологияҳои инноватсионӣ, ҳифзи муҳити зист, таъмини бехатарии меҳнат ва рушди иҷтимоии минтақаҳои кӯҳӣ низ вобаста аст.
АКС: Донишкадаи кӯҳию металлургии Тоҷикистон
Аз 1 то 3 май дар баъзе шаҳру ноҳияҳои Тоҷикистон ифлосшавии ҳавои атмосферӣ дар назар аст
Монографияи илмӣ оид ба журналистикаи сайёҳӣ ба нашр расид
«ТОҶИКИСТОНИ МАН!». Дар шаҳри Ҳисор маҳфил-озмун ҷамъбаст гардид
Имрӯз дар минтақаҳои доманакӯҳии ноҳияҳои тобеи Тоҷикистон сар задани сел пешгӯӣ мешавад
Сокини ноҳияи Кӯшониён аз ҳар қуттӣ кирмак то 35 килограмм пилла ба даст меорад
Имрӯз дар баъзе минтақаҳои Тоҷикистон борон меборад
Имрӯз дар баъзе минтақаҳои Тоҷикистон рӯзона борони кӯтоҳмуддат меборад
Дар шаҳри Бӯстон доир ба татбиқи лоиҳаҳои муштараки иҷтимоӣ бо соҳибкорон вохӯрӣ баргузор шуд
Дар даҳсолаи охир дар ҷаҳон шумораи одамони бо гуруснагии фалокатбор рӯбарӯ нуҳ маротиба афзоиш ёфтааст
Имрӯз дар шаҳри Душанбе ҳаво то 29 дараҷа гарм мешавад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Озмуни ҷумҳуриявии «Ҷавонон муқобили коррупсия» баргузор мешавад
