Дар Қазоқистон пешниҳод намуданд, ки пӯшидани фаранҷӣ ва ниқоб манъ карда шавад

ДУШАНБЕ, 12.06.2025. /АМИТ «Ховар»/. Дар Қазоқистон пешниҳод намудаанд,  ки пӯшидани бурқа, ниқоб ва дигар либосҳое, ки рӯйро мепӯшанд, манъ карда шавад.  Пешниҳод гардидааст, ки ба қонун «Дар бораи пешгирии ҳуқуқвайронкуниҳо», ки айни замон мавриди баррасӣ қарор дорад, тағйироти дахлдор ворид карда шавад, хабар медиҳад  АМИТ «Ховар» бо истинод ба Tengrinews.kz.

Ҳолатҳое истисно шуда метавонанд, ки чунин либос барои риояи талаботи қонун, барои мақсадҳои тиббӣ, мудофиаи гражданӣ, дар шароити муайяни обу ҳаво ва ҳангоми иштирок дар чорабиниҳои варзишӣ ва фарҳангӣ истифода бурда шавад.

Президенти Қазоқистон Қосим-Жомарт Токаев зимни суханронӣ дар иҷлосияи IV Курултойи Миллӣ  моҳи марти соли  равон,  ба ҷои пӯшидани либосе, ки рӯйро мепӯшонад,  пӯшидани  либоси миллиро ҷонибдорӣ намуд.

«Зиёд  гардидани  талабот ба либоси миллӣ,  ба ифтитоҳи коргоҳҳои дӯзандагӣ ва пайдо шудани бренду мағозаҳои нав мусоидат кардааст. Ҳамин тавр, пӯшидани либоси миллӣ тадриҷан ба як амри маъмулӣ табдил ёфта истодааст. Ин як тамоюли хеле хуб аст. Ба ҷои пӯшидани либоси сиёҳе, ки рӯйро пинҳон мекунад, беҳтар аст, ки либоси миллӣ бипӯшем. Либоси миллии мо ба таври возеҳ мутобиқати фарҳангии халқи моро таъкид мекунад, ба ин хотир ҳам бояд ҳарчӣ бештар ҳамаҷониба оммавӣ гардонида шавад»,-гуфт Президенти Қазоқистон Қосим-Ҷомарт Тоқаев.

АКС аз манбаъҳои боз