Дар Душанбе ҳамкории байнипарлумонии Тоҷикистону Муғулистон баррасӣ шуд
ДУШАНБЕ, 24.07.2025 /АМИТ «Ховар»/. Имрӯз муовини раиси кумитаи Маҷлиси намояндагони Маҷлиси Олии Ҷумҳурии Тоҷикистон оид ба тартиботи ҳуқуқӣ, мудофиа ва амният, роҳбари гурӯҳи дӯстии байнипарлумонии Тоҷикистону Муғулистон Барно Саидвализода бо ҳайати парламенти (Хурали Бузурги Давлати) Муғулистон мулоқот намуд. Дар ин хусус ба АМИТ «Ховар» аз Маҷлиси намояндагон хабар доданд.
Дар мулоқот иброз гардид, ки бо шарофати иродаи сиёсӣ ва ташаббусҳои созандаи Президенти Тоҷикистон муҳтарам Эмомалӣ Раҳмон ва Президенти Муғулистон муҳтарам Ухнаагийн Хурэлсух муносибатҳои Тоҷикистон ва Муғулистон ба сатҳи комилан нави рушд мебароянд.
Муносибатҳои Тоҷикистон ва Муғулистон дар чаҳорчӯби асноди ҳуқуқи байналмилалӣ низ рушд меёбанд. Маҷлиси намояндагони Маҷлиси Олии Ҷумҳурии Тоҷикистон барои таҳкими муносибатҳо дар чаҳорчӯби механизми созмонҳои байналмилалӣ, аз қабили Созмони Милали Муттаҳид, Созмони ҳамкории Шанхай, инчунин ҳамкории байнипарлумонӣ, бахусус гурӯҳҳои дӯстӣ дар оянда низ кӯшиш хоҳад намуд.
«Мо барои ҳамкорӣ дар доираи фаъолияти фраксияҳои ҳизбӣ, иштирок дар чорабиниҳои муштарак, ба роҳ мондани ҳамкории зичи гурӯҳҳои дӯстии байнипарлумонӣ ва табодули таҷриба дар самти қонунгузорӣ изҳори омодагӣ менамоем», — гуфт Барно Саидвализода.
Баъд аз анҷоми мулоқот меҳмонон бо бинои нави Парлумон шинос шуданд.
АКС: Маҷлиси намояндагони Маҷлиси Олии Ҷумҳурии Тоҷикистон
Дар Маҷлиси намояндагон бахшида ба Рӯзи Қувваҳои Мусаллаҳ ҳамоиши идона доир шуд
Вакили Маҷлиси намояндагони Тоҷикистон дар ҷаласаҳои муштараки зимистонаи Ассамблеяи парлумонии САҲА иштирок намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон баргузор гардид
Дар Маҷлиси намояндагон муҳокимаи парламентӣ баргузор гардид
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Намояндагони Тоҷикистон дар ҷаласаи кумитаҳои парлумонии СААД иштирок намуданд
Дар ҷаласаи навбатии Маҷлиси намояндагон ба Қонуни Ҷумҳурии Тоҷикистон «Дар бораи маориф» тағйиру иловаҳо ворид карда шуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Вакилони Маҷлиси намояндагон барои иштирок дар барномаи табодули байнипарлумонӣ ба Амрико сафар намуданд
Иҷлосияи панҷуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор гардид
Ҷаласаи Шурои Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор шуд
Пагоҳ Иҷлосияи панҷуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
