Дар Душанбе таҳкими фаъолияти гурӯҳҳои дӯстии байнипарламентии Тоҷикистону Олмон муҳокима гардид
ДУШАНБЕ, 01.07.2025 /АМИТ «Ховар»/. Муовини Раиси Маҷлиси намояндагони Маҷлиси Олии Ҷумҳурии Тоҷикистон Мавсума Муинӣ бо Президенти Парламенти музофоти федеролии Саксония-Анҳалти Ҷумҳурии Олмон Гуннар Шелленбергер мулоқот намуд. Дар вохӯрӣ ҷонибҳо таҳкими фаъолияти гурӯҳҳои дӯстии байнипарламентиро мавриди баррасӣ қарор доданд. Дар ин хусус ба АМИТ «Ховар» аз Маҷлиси намояндагон хабар доданд.
Зимни мулоқот Мавсума Муинӣ иброз намуд, ки мо аз сатҳу муҳтавои робитаҳои имрӯзаи Тоҷикистон ва Ҷумҳурии Федеративии Олмон изҳори қаноатмандӣ мекунем ва мулоқоти имрӯзаро баёнгари сатҳи олии робитаҳои ду кишвари дӯст медонем.
Иброз гардид, ки мулоқоту музокироти роҳбарияти олии Тоҷикистон ва Олмон идомаи талошҳои пайвастаи ду ҷониб ва ҷавобгӯи манфиатҳои волои мардумонамон мебошад. Итминони комил карда шуд, ки мувофиқаҳои дар ҷараёни мулоқоти Президенти мамлакат муҳтарам Эмомалӣ Раҳмон ва Канслери федералӣ ва Президенти Ҷумҳурии Федеративии Олмон зимни баргузории вохӯрии якум ва дуюми Сарони давлатҳои «Осиёи Марказӣ ва Ҷумҳурии Федеративии Олмон» дар шаҳрҳои Берлин ва Остона солҳои 2023 ва 2024 ба даст омада, ба рушди ҳамкории ду кишвар дар соҳаҳои мавриди таваҷҷуҳи тарафҳо такони тоза мебахшанд.
Мавсума Муинӣ изҳор намуд, ки мо ҷонибдори рушди ҳамкорӣ дар соҳаҳои тиҷорат, саноат, энергетика, металлургия, саноати сабук ва химия, мошинсозӣ ва истихроҷи канданиҳои фоиданок, иқтисодиёти рақамӣ ва фарҳанг бо музофоти федеролии Саксония-Анҳалти Ҷумҳурии Федеративии Олмон мебошем.
Дар вохӯрӣ густариши ҳамкории Тоҷикистону Олмон, таҳкими фаъолияти гурӯҳҳои дӯстӣ байнипарламентӣ байни кишварҳо ҳамчун механизми мусоидат ба раванди ҳамкории мутақобилан судманд муҳим арзёбӣ гардид.
АКС: Маҷлиси намояндагони Маҷлиси Олии Ҷумҳурии Тоҷикистон
Маҷлиси намояндагон тағйирот ба Конвенсия оид ба авиатсияи граждании байналмилалиро қабул намуд
Дар Танзания вохӯрии ҳамоҳангсозии роҳбарони ҳайатҳои парлумонии давлатҳои аъзои СААД доир шуд
Ҷаласаи навбатии иҷлосияи сеюми Маҷлиси намояндагони Маҷлиси Олӣ, даъвати ҳафтум баргузор гардид
Даври дуюми Мактаби САҲА оид ба дипломатия, роҳбарӣ ва сулҳоварӣ барои ҷавондухтарон оғоз гардид
Дар Маҷлиси намояндагон бахшида ба Рӯзи забони давлатии Ҷумҳурии Тоҷикистон ҳамоиши идона баргузор гардид
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум доир гардид
Созишнома байни Ҳукумати Тоҷикистон ва Ҳукумати Амороти Муттаҳидаи Арабӣ оид ба алоқаи ҳавоӣ қабул гардид
Ҷаласаи якуми иҷлосияи сеюми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Доир ба рушди дипломатияи парламентӣ дар даврони соҳибистиқлолии Тоҷикистон ҳамоиш баргузор шуд
Ҳамкории байнипарламентии Тоҷикистон ва Қазоқистон тақвият меёбад
Мавсума Муинӣ: «Мавқеъ ва саҳми занон дар дипломатияи парламентии Ҷумҳурии Тоҷикистон намоён аст»
