Файзалӣ Идизода дар Женева оид ба дастовардҳои парламенти Тоҷикистон сухан гуфт
ДУШАНБЕ, 31.07.2025. /АМИТ «Ховар»/. 30 июл дар шаҳри Женеваи Конфедератсияи Швейтсария Конфронси 6-уми раисони парламентҳо доир гардид, ки дар он Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода сухан гуфт. Дар ин хусус ба АМИТ «Ховар» аз Маҷлиси намояндагон хабар доданд.
Файзалӣ Идизода иброз намуд, ки имрӯз иттиҳоди байнипарламентӣ яке аз механизмҳои самарабахши ҳалли проблемаҳои глобалӣ ва пешбурди ташаббусҳои сулҳҷӯёнаи тамоми сайёра гардидааст. Бо шарофати ин иттиҳод ба сулҳу субот ва осоиш ноил шудан, муносибатҳои гуногунҷанбаро барои сулҳу осоиш ва адолату шукуфоии ҳамаи халқҳо таъмин кардан мумкин аст.
«Мо, вакилон дар ин ҷо на танҳо барои ҳалли мушкилоти глобалӣ, балки барои пешгирии буҳронҳои сершуморе, ки ҷаҳонро фаро гирифтаанд, ҷамъ омадаем. Мо бояд содиқ будани худро ба принсипҳои бунёдии аз ҷониби умум эътирофшудаи байналмилалӣ, ки фаъолияти минбаъдаи моро роҳнамоӣ мекунанд, тасдиқ намоем»,-гуфт Раиси Маҷлиси намояндагон.
Иттилоъ дода шуд, ки аз соли 2000 инҷониб конфронси раисони парламентҳо ба минбари беназири пешбурди идеяҳо ва ҷанбаҳои нави ҳамкории байнипарламентӣ, инчунин ба роҳ мондани робитаҳо ва ҳамкории созанда дар сатҳи баланд табдил ёфтааст.
Файзалӣ Идизода изҳор намуд, ки парламенти Тоҷикистон тавассути қабули қонунҳо ва ба тасвиб расонидани шартномаҳои байналмилалӣ дар таъмини сулҳу субот, адолату пешрафт, шукуфоии ҷомеаи мамлакат ва башар саҳм мегузорад.
АКС: Маҷлиси намояндагони Маҷлиси Олии Ҷумҳурии Тоҷикистон
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Лоиҳаи тағйиру иловаҳо ба Қонун «Дар бораи рамзҳои давлатии Ҷумҳурии Тоҷикистон» муҳокима гардид
Қонунҳои марбут ба партовҳо ва хоҷагии ёрирасон дар кумитаи Маҷлиси миллӣ баррасӣ шуданд
Дар кумитаи Маҷлиси миллӣ оид ба иқтисодиёт ва коммуникатсия якчанд қонун мавриди баррасӣ қарор гирифт
Дар кумитаи Маҷлиси миллӣ оид ба таъмини асосҳои конститутсионӣ, ҳуқуқу озодиҳои инсон, шаҳрванд ва қонуният ҷаласа доир шуд
Иҷлосияи панҷуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Иҷлосияи панҷуми Маҷлиси миллии Маҷлиси Олии Ҷумҳурии Тоҷикистон, даъвати ҳафтум доир мегардад
Ҷаласаи Шурои Маҷлиси миллии Маҷлиси Олии Ҷумҳурии Тоҷикистон баргузор мешавад
Ҷаласаи 16-уми пленарии Ассамблеяи парламентии Осиё дар шаҳри Манамаи Шоҳигарии Баҳрайн баргузор гардид
Дар иҷлосияи дуюми Маҷлиси намояндагони Маҷлиси Олӣ ду созишнома ба тасвиб расид
Дар ҳошияи Ассамблеяи парламентии Осиё таҳкими ҳамкории байнипарламентии Тоҷикистон баррасӣ шуд
Дар иҷлосияи дуюми Маҷлиси намояндагон ба якчанд қонун тағйиру илова ворид карда шуд
