Хисороти аз офатҳои табиӣ расида дар Чин аз 7,5 миллиард доллар зиёд шуд

ДУШАНБЕ, 16.07.2025 /АМИТ «Ховар»/. Дар Чин маълумоти расмӣ оид ба пайомадҳои офатҳои табиӣ дар нимсолаи аввал ба нашр расид, хабар медиҳад «Kazinform» бо истинод ба Вазорати ҳолатҳои фавқулодаи Ҷумҳурии Мардумии Чин.

Мувофиқи маълумоти вазорат, давоми шаш моҳ аз офатҳои гуногуни табиӣ 25 миллиону 037 ҳазор нафар одамон зарар дидаанд. Бар асари фалокатҳо 307 нафар ҳалок ё бедарак гум шуда, зиёда аз 620 ҳазор аҳолӣ ба таври таъҷилӣ тахлия ва муваққатан дар минтақаҳои бехатар ҷойгир карда шуданд.

Дар мамлакат 29 600 бинои истиқоматӣ валангор шуда, зиёда аз 347 200 бино зарар дидааст. Дар майдони 2,18 миллион гектар киштзор зарар дидааст. Зарари мустақими иқтисодӣ 54,11 миллиард юанро ташкил медиҳад, ки муодили тақрибан 7,6 миллиард доллар аст.

Зарари асосиро чунин ҳодисаҳои табиӣ, аз қабили заминларза ва обхезӣ расонидаанд. Дар якчанд минтақаҳои ҷумҳурӣ жола, хушксолӣ, тӯфон, яхбандӣ, тӯфони барфӣ ва сӯхтори маҳаллии ҷангал ба қайд гирифта шуд.

АКС аз манбаъҳои боз