Ҳамкории Душанбе бо Фландрияи Шоҳигарии Белгия тақвияти бештар меёбад
ДУШАНБЕ, 12.08.2025 /АМИТ «Ховар»/. 11 август бо даъвати Мақомоти иҷроияи ҳокимияти давлатии шаҳри Душанбе ҳайати Ҳукумати Фландрияи Подшоҳии Белгия бо роҳбарии сардори корҳои ташрифотӣ ва маъмурии Ҳукумати Фландрияи Шоҳигарии Белгия хонум Ҷилл Виллем Суетенс ба шаҳри Душанбе омад. Дар ин хусус АМИТ «Ховар» бо истинод ба шуъбаи иттилоотии дастгоҳи Раиси шаҳри Душанбе хабар медиҳад.
Сафари ҳайати Ҳукумати Фландрияи Подшоҳии Белгия ба шаҳри Душанбе то 16 август идома меёбад. Дар доираи сафар баргузории мулоқот бо роҳбарияти шаҳри Душанбе, Вазорати саноат ва технологияҳои нав, Кумитаи давлатии сармоягузорӣ ва идораи амволи давлатӣ, Кумитаи рушди сайёҳӣ, Академияи миллии илмҳои Тоҷикистон, Палатаи савдо ва саноати Тоҷикистон, Корхонаи воҳиди давлатии «Шаҳри ҳушманд» ва Донишгоҳи байналмилалии сайёҳӣ ва соҳибкории Тоҷикистон дар назар дошта шудааст.
Бо мақсади муаррифии имконоти сайёҳӣ ва тарғибу ташвиқи таъриху фарҳанги мамлакат шиносоии ҳайати Фландрия бо Осорхонаи миллии Тоҷикистон, Кохи Наврӯз, Масҷиди марказӣ, Маркази ош, бозори Меҳргон, Қалъаи Ҳисор ва ноҳияи Варзоб ба нақша гирифта шудааст.
Сафари ҳайати Фландрия бо мақсади баррасии имконоти густариши ҳамкорӣ байни Ҷумҳурии Тоҷикистон ва минтақаи Фландрия дар соҳаҳои иқтисоду сармоягузорӣ, илмию техникӣ, саноатикунонӣ, рақамикунонӣ, энергияи «сабз», мудирияти ҳушманд ва истифодаи зарфияти сайёҳӣ танзим карда шудааст.
Фландрия яке аз минтақаҳои рушкардаи иқтисодию тиҷоратӣ ва саноатии Шоҳигарии Белгия ба ҳисоб рафта, ҳамчун маркази бандарӣ дар гардиши мол дар иқтисоди ин кишвар нақши калидӣ дорад. Шаҳрҳои Антверпен, Брюге, Ган ва Остэнде ҳудудҳои минтақаи мазкурро ташкил медиҳанд.
Аҳолии ин минтақа 6,8 миллион (58 фисади аҳолии умумии подшоҳӣ)-ро ташкил медиҳад. Фландрия дар миқёси ҷаҳон соли 2024 аз нигоҳи содирот дар ҷойи 15-ум қарор дошт. Маҳсулоти кимиёвӣ, доруворӣ, нақлиёт, нассоҷӣ, минералҳо, дастгоҳу таҷҳизот, пӯлод, пластик ва сангҳои қиматнок иқтидори содиротии Фландрияро ташкил медиҳанд.
Соли 2024 содирот аз Тоҷикистон ба Фландрия 102,36 миллион евро ва содирот аз Фландрия ба давлати мо 5,73 миллион евроро ташкил дод.
АКС: шуъбаи иттилоотии дастгоҳи Раиси шаҳри Душанбе
Дар Душанбе даври шаҳрии Фестивал-озмуни ҳунармандону косибон таҳти унвони «Беҳтарин усто ва шогирд» баргузор шуд
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
