ТАҚВИМИ АМИТ «ХОВАР»: имрӯз 30 август, шанбе, 242-юмин рӯзи соли 2025 аст

30 августи соли 2003 дар шаҳри Душанбе Форуми байналмилалии оби тоза — «Об- муҳити зист ва амният» баргузор гардид.
***
30 августи соли 2009 Президенти Ҷумҳурии Тоҷикистон муҳтарам Эмомалӣ Раҳмон дар маросими тантанавии ба истифода супурдани нақби «Озодӣ» («Шар-шар») ва оғози навсозии роҳи мошингарди Душанбе-Ваҳдат-Данғара иштирок намуданд.
***
30 августи соли 2011 бо иштироки Президенти Тоҷикистон муҳтарам Эмомалӣ Раҳмон дар маркази шаҳри Душанбе Парчами давлатии Ҷумҳурии Тоҷикистон дар пояи 165 метр, ки яке аз баландтаринҳо дар ҷаҳон аст, парафшон гардид.
***
Дар ин рӯзи соли 2013 дар иҷлосияи панҷуми якҷояи Маҷлиси миллӣ ва Маҷлиси намояндагони Маҷлиси Олии Ҷумҳурии Тоҷикистон қарори якҷоя оид ба баргузории интихоботи президентӣ дар Тоҷикистон қабул гардид, ки он 6 ноябри соли 2013- дар Рӯзи Конститутсияи Ҷумҳурии Тоҷикистон гузаронида шуд.
***
30 августи соли 2013 дар шаҳри Хоруғи Вилояти Мухтори Кӯҳистони Бадахшон аввалин Форуми байналмилалӣ-иқтисодии «Имконияти сармоягузории рушди Бадахшон» баргузор гардид.
***
Соли 2016 дар шаҳри Душанбе нахустин боғчаи байналмилалии «Малика» ифтитоҳ ёфт.
***
Дар ин рӯзи соли 2017 Президенти Ҷумҳурии Тоҷикистон муҳтарам Эмомалӣ Раҳмон барои анҷоми сафари давлатӣ ва иштирок дар Ҳамоиши IX сарони давлатҳои аъзои БРИКС ба Ҷумҳурии Мардумии Чин сафар намуданд.
***
30 августи соли 2018 дар арафаи таҷлили ҷашни умумимиллӣ -27-солагии Истиқлолияти давлатии Ҷумҳурии Тоҷикистон Пешвои миллат муҳтарам Эмомалӣ Раҳмон як зумра ходимони давлатӣ, намояндагони соҳаи илм, маориф ва фарҳанги Узбекистони ҳамсояро бо мукофотҳои давлатии Тоҷикистон сарфароз гардониданд.
***
30 августи соли 2018 дар шаҳри Норак таҳти унвони «Тоҷикистон-сарзамини сайёҳӣ» Форум ва Намоишгоҳи байналмилалии сайёҳӣ доир гардид.
***
30 августи соли 2018 дар доираи Бозиҳои Осиё-2018 дар шаҳри Палембанги Индонезия Мусобиқа оид ба қаиқронӣ дар байдарка ва каноэ баргузор шуда, варзишгари маъруфи тоҷик Шаҳриёр Даминов дар масофаи 1000 метр бо байдаркаи якнафара соҳиби медали нуқра гардид.
***
30 августи соли 2022 Тоҷикистон ва Чин раванди татбиқи лоиҳаҳои муштаракро дар Хатлон баррасӣ намуданд.
***
30 августи соли 2022 ҳайати Тоҷикистон дар Форуми 10-ум оид ба содагардонии савдо дар минтақаи Осиё ва Уқёнуси Ором дар Сингапур иштирок намуд.
***
Дар ин рӯзи соли 2023 дар Муассисаи давлатии «Осорхонаи миллӣ» бахшида ба 32-солагии Истиқлолияти давлатии Ҷумҳурии Тоҷикистон толори «Мардумшиносӣ», ки инъикосгари паҳлуҳои гуногуни ҳаёти мардуми тоҷик мебошад, ифтитоҳ гардид.
***
Дар ин рӯзи соли 2024 Президенти Ҷумҳурии Тоҷикистон, Пешвои миллат, Президенти Кумитаи миллии олимпӣ муҳтарам Эмомалӣ Раҳмон ва Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ дар маросими ифтитоҳи нахустин Чемпионати ҷаҳон оид ба гӯштингирӣ дар шаҳри Душанбе иштирок намуданд.
30 АВГУСТ:
Дар Қазоқистон –Рӯзи конститутсия.
***
Дар Тотористон – Рӯзи ҷумҳурӣ.
***
Дар Туркия — Рӯзи ғалаба.
ДАР ИН РӮЗ ТАВАЛЛУД ШУДААНД:
Ҷамшед Исмоилов— соли 1956 — овозхони тоҷик, Ҳунарпешаи хизматнишондодаи Тоҷикистон (1989).