Ҳайати Тоҷикистон дар Форуми ҷавонони Осиё Марказӣ дар Ашқобод иштирок намуд
ДУШАНБЕ, 13.09.2025. /АМИТ «Ховар»/. Ҷавонони тоҷик дар Форуми ҷавонони Осиё Марказӣ, ки аз 10 то 11 сентябр дар шаҳри Ашқободи Туркманистон баргузор гардид, иштирок намуданд. Дар ин хусус ба АМИТ «Ховар» аз Кумитаи кор бо ҷавонон ва варзиши назди Ҳукумати Ҷумҳурии Тоҷикистон хабар доданд.
Форум бо мақсади таҳкими равобити дӯстӣ ва ҳифзи роҳу абзорҳои пойдории сулҳу ваҳдат бо иштироки намояндагони ҷавони кишварҳои Осиёи Марказӣ доир шуд.
Форум ба дастгирии ташаббусҳои ҷавонон барои ноил шудан ба Ҳадафҳои рушди устувор ва таҳкими муколамаи байнифарҳангӣ нигаронида шуд.
Ҷавонони тоҷик дар самтҳои асосии форум — «Устувории экологӣ ва рақамӣ: огоҳии иқлим, стартапҳои сабз, технологияҳои рақамӣ», «Ҷавонон ва сулҳ: нақши ҷавонон дар пешгирии низоъ, волонтёрӣ, муколамаи байнифарҳангӣ», «Инноватсия ва соҳибкорӣ: стартапҳои ҷавонон, технологияҳо барои саломатӣ ва рушд» баромад намуда, мавқеи устувори Тоҷикистонро дар заминаи иқдому ташаббусҳои созандаи Пешвои миллат муҳтарам Эмомалӣ Раҳмон ҳамчун давлати пешоҳанги ҳалли масъалаҳои муҳим дар саросари сайёра арзишманд арзёбӣ намуданд.
АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
