Дар Агентии суғуртаи иҷтимоӣ ва нафақа ҷашни Истиқлолияти давлатиро бошукуҳ таҷлил намуданд
ДУШАНБЕ, 06.09.2025 /АМИТ «Ховар»/. Бештар аз се даҳсола мешавад, ки истиқлолият афкору андешаи миллии моро тақвият мебахшад ва бо шарофати ин неъмат муҳимтарин рукнҳои давлатдории мо торафт қавӣ мегарданд. Ин нуктаро Директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон Абдураҳмон Ҳалимзод дар ҷамъомади тантанавӣ бахшида ба 34-солагии Истиқлоли давлатии Ҷумҳурии Тоҷикистон бо иштироки собиқадорони соҳа ва кормандони Агентӣ иброз намуд.
АМИТ «Ховар» бо истинод ба Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон итттилоъ медиҳад, ки роҳбарияти Агентӣ оид ба аҳамият ва нақши истиқлол дар давлатдории навини тоҷикон сухан намуданд. Иброз гардид, ки «истиқлол — ин ба роҳи худ ва бо ихтиёри худ ба сӯйи ҳадафҳои муайян қадам ниҳодан мебошад, ки инак 34 сол боз халқи тоҷик дар ин ҷода собитқадамона пеш меравад».
Истиқлол мафҳуми арзишманд ва калидие мебошад, ки ноил гардидан ба он барои ҳар миллат шарафи бузург аст. Истиқлоли давлатӣ соли 1991 барои мардуми тоҷик саҳифаи нави дурахшон кушода, имкон фароҳам овард, ки соҳиби давлати соҳибихтиёри миллӣ гардад ва дар баробари дигар кишварҳои дунё ҳамчун давлати соҳибихтиёр дар арсаи олам эътироф шавад. Ноил гардидан ба истиқлоли давлатӣ, яъне озодии иродаи миллӣ шаъну шараф, қудратмандӣ, рамзи қудрату тавоноӣ ва дар маҷмуъ, рукни муҳимтарини давлатдории миллӣ ва ҳастии тоҷикон дар шароити мураккаби минтақа ва ҷаҳон буд.
Дар ҷамъомади тантанавӣ ҳамчунин иштирокдорон доир ба дастовардҳои Агентӣ дар замони соҳибистиқлолӣ ва нақши истиқлол дар рушду пешрафти ҷумҳурӣ ибрози назар намуданд.
Истиқлолу озодӣ ҳамчун неъмати бебаҳои таърихӣ бо талошу заҳматҳои шабонарӯзии Президенти Ҷумҳурии Тоҷикистон муҳтарам Эмомалӣ Раҳмон ва мардуми тоҷик ба даст омад. Аз ин рӯ, ҳар яки мо бо ҳисси баланди ватандӯстӣ бояд ба қадри ин неъмати бебаҳо бирасем ва Ватани аҷдодии худро ҳифз намоем.
Дар ҷамъомади идона як зумра кормандон бо Ифтихорнома сарфароз гардонида шуданд.
АКС: Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон
35-СОЛАГИИ ИСТИҚЛОЛИ ДАВЛАТӢ. Қариб 3 километр роҳи деҳаи Шодмон яки шаҳри Турсунзода мумфарш карда шуд
Рӯзи фарҳанги ноҳияи Мастчоҳ шукуҳманд таҷлил карда шуд
Рӯзи фарҳанги шаҳри Нораку ноҳияи Ёвон бо намоиши молу маҳсулоти саноатӣ ва кишоварзӣ доир шуд
35-СОЛАГИИ ИСТИҚЛОЛИ ДАВЛАТӢ. Дар шаҳри Норак барои кӯдакон муассисаҳои томактабӣ сохта мешаванд
КОРҲОИ ОБОДОНИЮ СОЗАНДАГӢ. Дар даромадгоҳи шаҳри Хоруғ дарвозаи нави замонавӣ бунёд карда мешавад
Дар ноҳияи Айнӣ Боғи фарҳангию фароғатии ба номи Шоҳ Исмоили Сомонӣ ба истифода дода шуд
НИШАСТИ МАТБУОТӢ. То ҷашни 35-солагии Истиқлоли давлатӣ беш аз 1400 иншоот ба истифода дода мешавад
Пешвои миллат Эмомалӣ Раҳмон бо намояндагони се ширкати калонтарини металлургии Чин мулоқот намуданд
Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд ва кормандони соҳаи саноати кишвар мулоқот намуданд
Суханронии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар мулоқот зимни боздид аз сохтмони корхонаи ғанигардонии маъдани оҳан дар ноҳияи Бобоҷон Ғафуров
Сарвари давлат Эмомалӣ Раҳмон ба таври фосилавӣ ба бунёди корхонаҳои истеҳсоли семент дар шаҳри Истаравшан ва истеҳсоли оҳак дар ноҳияи Бобоҷон Ғафуров оғоз бахшиданд
Пешвои миллат Эмомалӣ Раҳмон дар ноҳияи Бобоҷон Ғафуров аз ҷараёни сохтмони корхонаи металлургии ҶСП «Комбинати металлургии тоҷик» дидан намуданд
