Соҳибкорону сармоягузорони тоҷик дар Форуми байналмилалии сармоягузории Хоразм иштирок намуданд
ДУШАНБЕ, 22.09.2025 /АМИТ «Ховар»/. Гурӯҳи 10-нафараи соҳибкорону сармоягузорони вилояти Суғди Тоҷикистон дар Форуми байналмилалии сармоягузории Хоразм, ки аз 19 то 22 сентябр дар шаҳри Хиваи вилояти Хоразми Узбекистон баргузор гардид, иштирок намуд, иттилоъ медиҳад АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон.
Дар форум Сафири Фавқулода ва Мухтори Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода дар мавзуи «Раванди ҳамгироии минтақавӣ ва таҳкими ҳамкории байнидавлатӣ» маъруза намуда, доир ба тақвияти равобити дуҷониба байни ду мамлакати дӯсту ҳамсоя изҳори назар намуд.
Дар форум доираҳои соҳибкорию сармоягузорӣ аз 30 кишвари дунё, инчунин намояндагони корпуси дипломатӣ, роҳбарони ширкатҳо ва соҳибкорони муваффақ иштирок намуданд.
Ба меҳмонон ва иштирокдорони форум дастовардҳои вилояти Хоразм дар замони соҳибистиқлолӣ муаррифӣ гардиданд. Гуфта шуд, ки дар вилояти Хоразм беш аз бист корхонаи бузург фаъолият дошта, шарикони асосиашон Чин, Русия, Туркия, Белгия, Олмон ва Фаронса мебошанд. Иштирокдорони Форуми байналмилалии сармоягузории Хоразм ҳамзамон бо фаъолияти корхонаҳои шаҳрҳои Хива ва Урганҷ шинос шуданд.
Имконоти равобити тиҷоратӣ бо ин вилоят зиёд буда, соҳибкорони тоҷик метавонанд дар самтҳои гуногун бо соҳибкорону сармоягузорони вилояти Хоразм ҳамкорӣ намоянд.
АКС: Сафорати Ҷумҳурии Тоҷикистон дар Ҷумҳурии Узбекистон
Дар Вазорати корҳои хориҷӣ бахшида ба 35-солагии Истиқлоли давлатӣ чорабинии тантанавӣ баргузор гардид
Китоби «Тоҷикон»-и Бобоҷон Ғафуров ба забони олмонӣ нашр гардид
Ҳамкории Тоҷикистон ва Олмон дар қолаби ҳамкории бисёрҷониба баррасӣ гардид
Маҷмаи Умумии Созмони Милали Муттаҳид оид ба ҷузъиёти баргузории Конфронси оби СММ-2028 дар Душанбе қатънома қабул намуд
Барномаи кишварии ЮНИСЕФ барои Тоҷикистон барои солҳои 2027-2030 қабул шуд
Дар Олмон зарфияти иқтисодию сайёҳӣ ва мероси фарҳангии Тоҷикистон муаррифӣ гардид
Дар Теҳрон ба муносибати 35-солагии Истиқлоли давлатии Тоҷикистон нишасти матбуотӣ доир шуд
АЗ ИСТИҚЛОЛИ ДАВЛАТӢ ТО ТАШАККУЛИ РӮЗНОМАИ ҶАҲОНИИ ЗЕҲНИ СУНЪӢ. Андешаҳои академик Фарҳод Раҳимӣ дар ин маврид
Намояндаи доимии Тоҷикистон дар нишасти ғайринавбатии Шурои вазирони корҳои хориҷии кишварҳои аъзои СҲИ иштирок намуд
Бо ташаббуси Тоҷикистон СММ 31 августро Рӯзи байналмилалии зеҳни сунъии бехатар, ҳифзшуда ва боэътимод эълон намуд
Антониу Гутерриш: «Тоҷикистон дар пешбурди рӯзномаи байналмилалӣ оид ба масъалаҳои об ва пиряхҳо нақши пешсаф дорад»
Дар Миср ду китоб оид ба Тоҷикистон ба забони арабӣ ба нашр расид
