ТАҚВИМИ АМИТ «ХОВАР»: имрӯз 23 сентябр, сешанбе, 266-умин рӯзи соли 2025 аст

16 сол пеш, 23 сентябри соли 2009  дар шаҳри Душанбе байни Ҷумҳурии  Тоҷикистон ва Иттиҳоди Аврупо оид ба ҳуқуқи инсон муколама баргузор гардид.

***

23 сентябри соли 2010 дар Иёлоти Муттаҳидаи Амрико Президенти Ҷумҳурии Тоҷикистон муҳтарам Эмомалӣ Раҳмон дар мубоҳисаи умумии Иҷлосияи 65-уми Маҷмаи Умумии Созмони Милали Муттаҳид суханронӣ намуданд.

***

23 сентябри соли 2015 бо Қарори Ҳукумати Ҷумҳурии Тоҷикистон Муассисаи давлатии «Осорхона-мамнуъгоҳи ҷумҳуриявии ба номи Восеъ» таъсис дода шуд.

***

23 сентябри соли 2016 дар пойтахти Тоҷикистон – шаҳри Душанбе маросими рӯнамоии Стратегияи ҳамкории Бонки Рушди Осиё ва Тоҷикистон доир шуд.

***

23 сентябри соли 2023 дар заминаи амалишавии «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» бо дастгирӣ ва иқдоми роҳбарияти Донишгоҳи миллии Тоҷикистон дар факултети биологияи донишгоҳ Озмоишгоҳи илмӣ-таҳқиқотӣ оид ба омӯзиши механизмҳои мутобиқшавии системаҳои зинда кушода шуд.

***

Дар ин рӯзи соли 2024 Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон дар шаҳри Ню-Йорк дар ҳошияи иҷлосияи Маҷмаи Умумии Созмони Милали Муттаҳид бо Раиси Ҷумҳурии Исломии Эрон муҳтарам Масъуд Пизишкиён мулоқот намуданд. Дар вохӯрӣ маҷмуи масоили ҳамкории Тоҷикистону Эрон баррасӣ гардид.

23 СЕНТЯБР:

Рӯзи байналмилалии забони имову ишора

***

Дар Қирғизистон – Рӯзи  забони давлатӣ.