Файзалӣ Идизода дар ҷаласаи маҷозии роҳбарони парламентҳои кишварҳо иштирок намуд
ДУШАНБЕ, 09.10.2025. /АМИТ «Ховар»/. 9 октябр Раиси Маҷлиси намояндагони Маҷлиси Олии Ҷумҳурии Тоҷикистон Файзалӣ Идизода дар ҷаласаи маҷозии роҳбарони парламентҳои кишварҳо — аъзои гурӯҳи дӯстони бетараф барои сулҳ, амният ва рушди устувор иштирок ва суханронӣ намуд. Дар ин хусус ба АМИТ «Ховар» аз Маҷлиси намояндагон хабар доданд.
Файзалӣ Идизода иброз намуд, ки моҳи сентябри соли 2025 дар қатори 26 давлати дигар ба ин гурӯҳ ҳамроҳ шудани Тоҷикистон, бахусус дар остонаи Соли байналмилалии сулҳу боварӣ, ки дар Туркманистон эълон шудааст, рӯйдоди муҳим буда, дар равобити бисёрҷонибаи кишварҳо нақши мусбат хоҳад дошт.
«Тоҷикистон ҳамчун ҷузъи ҷудонашавандаи ҷомеаи ҷаҳон дар асоси меъёрҳо ва принсипҳои эътирофшудаи ҳуқуқи байналмилалӣ сиёсати «дарҳои кушод»-ро, ки аз тарафи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон эълон гардидааст, пайгирӣ намуда, кӯшиш менамояд, ки бо ҳама кишварҳои олам сиёсати сулҳҷӯёна ва беғаразона пеш барад»,-гуфт Файзалӣ Идизода.
Иброз гардид, ки тибқи меъёрҳои Конститутсияи Ҷумҳурии Тоҷикистон ва муқаррароти Консепсияи сиёсати хориҷии Ҷумҳурии Тоҷикистон мамлакати мо ҳамеша омода аст, ки муносибатҳои дӯстона ва эътирофи манфиатҳои мутақобили муфид, баробарҳуқуқӣ ва ҳамкории судмандро бо тамоми давлатҳои дуру наздик ба роҳ монда, тақвият бахшад.
Дар ин замина бояд аҳаммияти рушди муносибатҳо ва пайравӣ ба арзишҳои таърихан шаклгирифта ва умумибашарии бетарафиро таъкид намуд, зеро онҳо имрӯз дар тамоми ҷаҳон бисёр зарур ва муҳим гардидаанд.
«Бетарафӣ дар ҷаҳони муосир бо таърихи беш аз сесаду ҳафтодсола на танҳо худдорӣ аз иштирок дар равандҳои муайян мебошад, балки воситаи ба расмият шинохташудаи таҳкими сулҳ, рушди устувор ва таъмини амният аст. Бетарафӣ ҳамчун ниҳоди классикии ҳуқуқи байналмилалӣ дар таъмини сулҳи глобалӣ, амният ва рушди устувор, махсусан дар шароити ноустувории геополитикӣ ҳамеша нақши калидӣ бозидааст»,-изҳор намуд Раиси Маҷлиси намояндагон.
Файзалӣ Идизода пешниҳод намуд, ки имконоти таъсиси барномаҳои муштараки таълимӣ ва баргузор намудани мулоқотҳои сатҳи баланд, ки ба таҳкими фарҳанги сулҳ дар байни ҷавонон равона гардидаанд, мавриди баррасӣ қарор дода шаванд.
АКС: Маҷлиси намояндагони Маҷлиси Олии Ҷумҳурии Тоҷикистон
Барно Саидвализода дар ҷаласаи Комиссияи доимии Ассамблеяи байнипарлумонии давлатҳои иштирокдори ИДМ оид ба илм ва маориф иштирок намуд
Файзалӣ Идизода дар музокироти умумии Ассамблеяи 152-юми Иттиҳоди байнипарламентӣ дар шаҳри Истанбул иштирок намуд
Вакили Маҷлиси намояндагон дар ҷаласаи ҳамоҳангсози Ассамблеяи парламентии Осиё иштирок намуд
Раиси Маҷлиси намояндагони Тоҷикистон бо Раиси Жогорку Кенеши Қирғизистон вохӯрӣ намуд
Ҳайати Тоҷикистон дар ҷаласаи 152-юми Иттиҳоди байнипарламентӣ ва иҷлосияи ҳамоҳангсози Ассамблеяи парламентии Осиё иштирок менамояд
Ҷаласаи навбатии иҷлосияи дуюми Маҷлиси намояндагони Маҷлиси Олӣ, даъвати ҳафтум баргузор гардид
ДУШАНБЕ — НИГИНИ КИШВАРИ ОФТОБИИ ТОҶИКОН. Ба Рӯзи пойтахти Тоҷикистон бахшида мешавад
Вакилони парлумонҳои кишварҳои аъзои ИДМ тарҳи таҳрири нави қонуни намунавии «Дар бораи мақоми ваколатдори ҳуқуқи инсон»-ро тасдиқ намуданд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Дар Душанбе масъалаҳои таълиму тарбия, сифати таҳсил ва гузариш ба низоми 12-солаи таълим баррасӣ гардиданд
Ҳамкории Тоҷикистон ва Иттиҳоди Аврупо дар самти такмили низоми идоракунии молияи давлатӣ густариш меёбад
Дар Душанбе тавсияҳои Кумитаи СММ оид ба бартараф намудани ҳама гуна ҳуқуқпоймолкунӣ нисбат ба занон муҳокима гардид
