Дар ноҳияи Ёвон якчанд иншооти иҷтимоӣ ва инфрасохторӣ мавриди истифода қарор гирифт
ДУШАНБЕ, 07.12.2025 /АМИТ «Ховар»/. 6 декабр Раиси вилояти Хатлон Давлаталӣ Саид дар ноҳияи Ёвон якчанд иншооти муҳими иҷтимоӣ, иқтисодӣ ва инфрасохториро ифтитоҳ намуда, бо фаъолияти соҳаҳои маориф, хизматрасонӣ ва кишоварзӣ аз наздик шинос шуд. Дар ин хусус ба АМИТ «Ховар» аз хадамоти матбуоти Раиси вилояти Хатлон хабар доданд.
Дар деҳаҳои Баҳор ва Пахтакор биноҳои иловагии таълимӣ барои муассисаҳои таҳсилоти миёнаи умумии №55 ва №56 ба истифода дода шуданд. Иншооти нав, ки бо саҳми сокинон бунёд гардидаанд, мутаносибан дорои 9 ва 14 синфхона буда, барои қабули 500 ва 700 хонанда дар ду баст пешбинӣ шудаанд. Бунёди ин биноҳо шароити таълиму тарбияро беҳтар намуда, мушкилоти ҷойҳои нишастро дар мактабҳо коҳиш медиҳад.
Дар ҷамоати деҳоти Норин маркази нави хизматрасонии «Дӯстон» ифтитоҳ гардид. Маркази дуошёна бо маблағи 850 ҳазор сомонӣ бо иқдоми соҳибкори маҳаллӣ бунёд шуда, 34 ҷойи кори доимӣ фароҳам овардааст. Ошёнаи аввал ба хизматрасонии гуногун ва дуюм барои баргузории чорабиниҳои оммавӣ пешбинӣ шудааст.
Дар идома раиси вилоят бо раванди кишти картошка дар заминҳои Ҷамъияти дорои масъулияти маҳдуди «Муҳаммадамин-11» шинос шуд.
Дар ин хоҷагӣ кишти картошка дар 2 гектар замин оғоз гардида, корҳои саҳроӣ тибқи талаботи агротехникӣ ҷараён доранд. Раиси вилоят истифодаи самараноки замин ва таъмин намудани бозор бо маҳсулоти кишоварзиро муҳим арзёбӣ кард.
Ҳамзамон дар деҳаи Зафар роҳи нави маҳаллӣ бо паҳноии 15 метр ва дарозии 1,5 километр ба истифода дода шуд. Роҳ бо саҳми сокинон мумфарш гардида, ҳамчун қисми корҳои ободонӣ бахшида ба ҷашни 35-солагии Истиқлоли давлатӣ амалӣ шудааст. Имсол дар ноҳияи Ёвон дар маҷмӯъ 70 километр роҳҳои маҳаллӣ таъмир ва мумфарш карда шуд.
Ёдовар мешавем, ки дар ноҳияи Ёвон корҳои созандагӣ ва рушди инфрасохтор бо суръати баланд идома дошта, барои беҳтар намудани шароити зиндагӣ, таҳсил ва фаъолиятҳои иқтисодии сокинон тадбирҳои назаррас анҷом дода мешаванд.
АКС: Хадамоти матбуоти Раиси вилояти Хатлон
СОЛҲОИ РУШДИ САНОАТ. Дар шаҳри Кӯлоб 77 корхонаи саноатӣ фаъолият менамояд
ИСТИҚЛОЛИЯТИ ДАВЛАТӢ. То 1 октябр дар шаҳри Кӯлоб 493 иншооти истеҳсолию иҷтимоӣ ба истифода дода шудааст
Дар Минтақаи озоди иқтисодии «Кӯлоб» бинои гузаргоҳи гумрукӣ ва чоҳи амудӣ ба истифода дода шуд
Сарвари давлат Эмомалӣ Раҳмон пас аз анҷоми сафари корӣ дар шаҳру ноҳияҳои минтақаи Кӯлоби вилояти Хатлон ба шаҳри Душанбе баргаштанд
Пешвои миллат Эмомалӣ Раҳмон дар чорабинии тантанавии идона ба ифтихори ҷашни 35-солагии Истиқлоли давлатӣ дар варзишгоҳи шаҳри Кӯлоб иштирок намуданд
Раиси шаҳри Душанбе Рустами Эмомалӣ оромгоҳи Мир Сайид Алии Ҳамадониро зиёрат намуданд
Даври ниҳоии Озмуни ҷумҳуриявии «Донандаи беҳтарини асарҳои Пешвои миллат» оғоз гардид
Сарвари давлат Эмомалӣ Раҳмон барои бунёди маҷмааи нассоҷӣ дар Минтақаи озоди иқтисодии Кӯлоб санги асос гузоштанд
Пешвои миллат Эмомалӣ Раҳмон бо лоиҳаҳои роҳ ва пулҳои мошингард дар минтақаи Кӯлоб шинос шуданд
Президенти Ҷумҳурии Тоҷикистон Эмомалӣ Раҳмон ба таври фосилавӣ 17 иншоотро дар ҳудуди шаҳри Кӯлоб ифтитоҳ намуданд
Сарвари давлат Эмомалӣ Раҳмон бинои нави маъмурияти минтақаи озоди иқтисодии «Кӯлоб»-ро мавриди баҳрабардорӣ қарор доданд
