«Равобит бо олами Ғарб: нақши Пешвои миллат ва дипломатияи тоҷик». Таҳти чунин унвон китоби нав ба нашр расид
ДУШАНБЕ, 09.12.2025 /АМИТ «Ховар»/. Ба ифтихори 35-солагии Истиқлоли давлатии Ҷумҳурии Тоҷикистон таҳти унвони «Равобит бо олами Ғарб: нақши Пешвои миллат ва дипломатияи тоҷик» (Муносибатҳои Тоҷикистон бо кишварҳои Аврупо ва Америка) китоби номзади илмҳои таърих Фирдавс Шарифзода нашр гардид, иттилоъ медиҳад АМИТ «Ховар».
Ин китоб дар нашриёти «ЭР-Граф» зери назари Вазири корҳои хориҷии Ҷумҳурии Тоҷикистон Сироҷиддин Муҳриддин бо забони тоҷикӣ ба нашр расидааст.
Дар китоб масъалаҳои робитаҳои байналмилалии Тоҷикистон бо давлатҳои Аврупо ва Амрико, ташаккул ва рушду таҳкими муносибатҳои созандаи мамлакат бо давлатҳои ин қитъаҳои ҷаҳон дар 35 соли Истиқлоли давлатӣ баррасӣ карда шудаанд.
Муаллиф дар китоб муҳтаво, хислат ва ҷузъиёти муколамаи сиёсӣ, робитаҳои тиҷоратӣ, иқтисодӣ, байнимардумӣ, илмию маърифатӣ, фарҳангии давоми ин солҳо бо олами Ғарб тақвиятёфтаи Тоҷикистонро, пеш аз ҳама, тавассути инъикоси нақши беназири Президенти Ҷумҳурии Тоҷикистон муҳтарам Эмомалӣ Раҳмон таҳлил кардааст. Дар китоб нақши фаъоли мактаби озмудаи дипломатияи тоҷик ва дигар мақомоти давлатӣ низ дар ин раванд мавриди таҳқиқ қарор гирифтааст.
Маълумот аз сарчашмаҳои гуногун гирдоварӣ шуда, барои истифодаи донишҷӯён, сиёсатшиносону таърихнигорон, олимони ҷавон ва сиёсатмадорону дипломатҳо пешниҳод гардидааст.
АКС: АМИТ «Ховар»
Сафири Тоҷикистон бо муовини вазири корҳои хориҷии Миср мулоқот намуд
Дар Москва вохӯрии нуҳуми вазирони корҳои хориҷӣ дар қолаби «Осиёи Марказӣ – Русия» баргузор гардид
Дар Душанбе масъалаҳои мубрами ҳамкорӣ байни Тоҷикистон ва ЮНИСЕФ баррасӣ гардид
Сироҷиддин Муҳриддин дар ҷаласаи Шурои Вазири корҳои хориҷии ИДМ иштирок намуд
СОЛИ ОБОДОНИЮ СОЗАНДАГӢ. Дар Ҷамоати деҳоти Регари шаҳри Турсунзода бинои нави муассисаи таълимӣ бунёд карда мешавад
Дар Миср маҷаллаи «Тоҷикистон ва пиряхҳо» ба забони арабӣ ва англисӣ ба нашр расид
Азамшо Шарифӣ: «Дипломатияи «сабз» дар сиёсати хориҷии Тоҷикистон ҷойгоҳи хосса дорад»
Соли 2026 дар Хуҷанд 6 корхонаи саноатӣ ифтитоҳ гардид
Бахшида ба 35-солагии Истиқлоли давлатӣ дар ноҳияи Ёвон корҳои созандагӣ идома доранд
Дар Женева таҳти унвони «Нақши Устувонаи Куруши Кабир дар ташаккули ҳуқуқу озодиҳои муосири инсон» ҳамоиш доир шуд
РУШДИ САНОАТ. Давоми се моҳ дар ноҳияи Ёвон 3 коргоҳи нави истеҳсолӣ ба истифода дода шуд
РАВАНДИ ОБИ ДУШАНБЕ. Дар Сеул нишасти матбуотӣ оид ба Конфронси чоруми байналмилалии сатҳи баланд доир шуд
