ТАҚВИМИ АМИТ «ХОВАР»: имрӯз 13 декабр, шанбе, 347-умин рӯзи соли 2025 аст

13 декабри соли 2013 дар шаҳри Душанбе ҷаласаи дувоздаҳуми Шурои машваратии назди Президенти Ҷумҳурии Тоҷикистон оид ба беҳтар намудани фазои сармоягузорӣ баргузор гардид.

***

Дар ин рӯзи соли 2014 дар Кохи Ваҳдати пойтахт таҳти раёсати Раиси Ҳизби Халқии Демократии Тоҷикистон муҳтарам Эмомалӣ Раҳмон Анҷумани 12-уми Ҳизби Халқии Демократии Тоҷикистон баргузор шуд.

***

13 декабри соли 2019 дар Кохи Борбад таҳти раёсати Президенти Ҷумҳурии Тоҷикистон, Раиси Ҳизби  Халқии Демократии Тоҷикистон муҳтарам Эмомалӣ Раҳмон Анҷумани 13-уми Ҳизби Халқии Демократии Тоҷикистон бо иштироки 1917 вакил аз тамоми шаҳру ноҳияҳои ҷумҳурӣ баргузор гардид.

***

13 декабри соли 2024  Президенти Ҷумҳурии Тоҷикистон муҳтарам Эмомалӣ Раҳмон аз нав Президенти Кумитаи миллии олимпии Тоҷикистон интихоб шуданд. Номзадии Пешвои миллат муҳтарам Эмомалӣ Раҳмон зимни баргузории ҷаласаи ҳисоботӣ-интихоботии 24-уми Ассамблеяи генералии Кумитаи миллии олимпии Тоҷикистон дар шаҳри Душанбе аз ҷониби 30 федератсияи варзишии аъзои Кумитаи миллии олимпии Тоҷикистон пешбарӣ гардида, якдилона пазируфта шуд.

13 ДЕКАБР ТАҶЛИЛ КАРДА МЕШАВАД:

Рӯзи сармуҳаррир

***

Дар Малта – Рӯзи ҷумҳурӣ.

***

Дар Амрико – Рӯзи аспҳо

***

Дар Русия- Рӯзи хирс

РӮЙДОДҲО:

13 декабри соли 2001 дар шаҳри Деҳлии Ҳиндустон санади  «Аввалин ҷаласаи комиссияи байниҳукуматии Тоҷикистону Ҳиндустон» оид ба ҳамкорӣ байни Ҳиндустону Тоҷикистон дар самтҳои савдо, энергетика ва илму техника ба имзо расид.

***

13 декабри соли 1982 бар асари заминларза дар Яман зиёда аз 3000 нафар ба ҳалокат расиданд.

***

13 декабри соли 1642 Зеландияи Нав кашф карда шуд

***

13 декабри соли 1981 дар Полша вазъияти ҳарбӣ эълон карда шуда, 22 июли соли 1983 бекор гардид.