Рустами Эмомалӣ: «Соли 2025 дар шаҳри Душанбе 62 корхонаю коргоҳи нави истеҳсолӣ ба истифода дода шуд»
ДУШАНБЕ, 24.01.2026 /АМИТ «Ховар»/. «Соли 2025 рушди иҷтимоию иқтисодии шаҳри Душанбе бо нишондиҳандаҳои устувор таъмин гардида, суръати афзоиши маҷмуи маҳсулоти минтақавӣ ба 8,3 фоиз баробар шуд. Ҳамзамон иҷрои нақшаи буҷети шаҳр 22,2 фоиз барзиёд таъмин гардида, 46 ҳазор ҷойи нави кор таъсис дода шуд», — таъкид намуданд Раиси шаҳри Душанбе муҳтарам Рустами Эмомалӣ зимни ҳисобот дар маҷлиси васеи Ҳукумати Ҷумҳурии Тоҷикистон.
Гуфта шуд, ки соли 2025 Мақомоти иҷроияи ҳокимияти давлатии шаҳри Душанбе барои татбиқи ҳадафҳои стратегии мамлакат ва баланд бардоштани сатҳи некуаҳволии сокинон тадбирҳои муҳимро амалӣ намуд.
«Дар доираи ҳадафи стратегии саноатикунонии босуръати кишвар раванди бунёди корхонаҳои саноатӣ дар ин давра вусъати тоза касб намуда, 62 корхонаву коргоҳи нави истеҳсолӣ ба истифода дада шуд ва суръати рушди истеҳсоли маҳсулоти саноатӣ 26 фоиз таъмин гардид», иттилоъ дода шуд дар ҳисобот.
Таъкид гардид, ки ҳаҷми маблағгузорӣ ба сармояи асосӣ нисбат ба соли 2024 31 фоиз афзоиш ёфта, дар масоҳати 713 ҳазор метри мураббаъ хонаҳои истиқоматӣ ва иншооти иҷтимоию хизматрасонӣ мавриди истифода қарор гирифтанд.
Тазаккур дода шуд, ки соли 2025 дар шаҳри Душанбе 6 муассисаи таҳсилоти миёнаи умумӣ барои 19 ҳазор хонанда ва 16 муассисаи томактабӣ барои 3640 кӯдак бунёд ва ба истифода дода шуд.
Ҳамзамон бо ҷалби ҳама сарчашмаҳои маблағгузорӣ дар маҷмуъ 60 километр роҳҳои пойтахт ба маблағи 406 миллион сомонӣ навсозӣ ва мумфарш гардиданд.
Ёдовар мешавем, ки 23 январ дар бинои Ҳукумати Ҷумҳурии Тоҷикистон таҳти раёсати Президенти Ҷумҳурии Тоҷикистон, Раиси Ҳукумати ҷумҳурӣ муҳтарам Эмомалӣ Раҳмон маҷлиси васеи Ҳукумати Ҷумҳурии Тоҷикистон баргузор гардид.
Дар маҷлиси васеи Ҳукумат натиҷаҳои рушди иқтисодию иҷтимоии кишвар дар соли 2025 муфассал баррасӣ гардида, вазифаҳои асосӣ барои соли 2026 муайян карда шуданд.
АКС: Хадамоти матбуоти Президенти Ҷумҳурии Тоҷикистон/АМИТ «Ховар»
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор гардид
Рустами Эмомалӣ дар кӯчаи Абдулаҳад Қаҳҳорови ноҳияи Фирдавсии пойтахт бо гузоштани санги асос ба сохтмони 3 эстакада ва як пул оғоз бахшиданд
Бо мақсад рушди ҳамкории сайёҳӣ ҳайати шаҳри Душанбе ба музофоти Хайнани Чин сафар намуд
Рустами Эмомалӣ дар ноҳияи Дарвоз аз маҷмааи сайëҳию истироҳатии «Чорчаман» дидан намуданд
Рустами Эмомалӣ дар ноҳияи Дарвоз варзишгоҳи болопӯшидаи «Нури Модар Арена», майдони хурди футбол ва ҳавзи шиновариро мавриди истифода қарор доданд
Рустами Эмомалӣ дар деҳоти Қалъаи Хумби ноҳияи Дарвоз бо фаъолияти комплекси сайёҳии «ЗЕВ-С» ва намоишгоҳи ҳунарҳои мардумӣ шинос шуданд
Рустами Эмомалӣ бо сафари корӣ ба ноҳияи Дарвози Вилояти Мухтори Кӯҳистони Бадахшон ташриф оварданд
Иҷлосияи ҳафтуми Маҷлиси вакилони халқи шаҳри Душанбе, даъвати ҳафтум баргузор мегардад
Бо қарори Раиси шаҳри Душанбе Рӯзи Президент дар пойтахт дар сатҳи баланди ташкилӣ таҷлил мешавад
Бо мақсади тақвияти ҳамкорӣ дар соҳаи сайёҳӣ ҳайати шаҳри Душанбе ба Чин сафар намуд
Қарори Раиси шаҳри Душанбе оид ба омодагӣ ва таҷлили Рӯзи Конститутсияи Ҷумҳурии Тоҷикистон ба тасвиб расид
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
