Рушди ҳамкории Тоҷикистон ва Ҷопон дар самти энергияи «сабз» баррасӣ гардид
ДУШАНБЕ, 27.01.2026 /АМИТ «Ховар»/. Масъалаҳои густариши ҳамкории илмӣ ва таҳқиқотӣ, татбиқи лоиҳаҳои муштараки таҳсил ва омӯзиш, ҳамчунин таҷрибаи байналмилалӣ дар соҳаҳои илмҳои дақиқ ва табиатшиносӣ 26 январ зимни мулоқоти президенти Академияи миллии илмҳои Тоҷикистон Қобилҷон Хушвахтзода ва ноиби президенти Агентии ҳамкории байналмилалии Ҷопон (JICA) Ёшикава Ёшифуми мавриди баррасӣ қарор дода шуданд.
Тавре ба АМИТ «Ховар» аз Академияи миллии илмҳо хабар доданд, дар мулоқот ҷонибҳо масъалаҳои тағйирёбии иқлим, ҳифзи муҳити зист ва дигар мушкилоти глобалиро муҳокима намуда, оид ба гузаронидани таҳқиқоти муштараки илмӣ ва татбиқи лоиҳаҳои стратегӣ дар ин самт табодули афкор намуданд.
Ҳамчунин масъалаҳои рушди ҳамкории Тоҷикистон ва Ҷопон дар самти энергияи “сабз”, технологияҳои геотермалӣ ва татбиқи лоиҳаҳои нав дар ин бахш мавриди баррасӣ қарор гирифт. Ҳамсуҳбатон ба омода намудани мутахассисон дар самтҳои энергияи барқароршаванда ва технологияҳои инноватсионӣ аҳамияти махсус доданд.
Қобилҷон Хушвахтзода аҳамияти тақвияти робитаҳои илмӣ ва ҳамкории стратегиро таъкид намуда, истифодаи энергияи “сабз” ва нақши ҳамкории байналмилалиро дар ҳалли мушкилоти глобалӣ махсусан муҳим арзёбӣ намуд.
Ёшикава Ёшифуми ба дастовардҳои академия дар рушди илм ва татбиқи лоиҳаҳои муҳими экологии Тоҷикистон баҳои баланд дода, омодагии JICA-ро барои дастгирии лоиҳаҳои нав, таҳқиқоти муштарак ва омода намудани мутахассисони ҷавон дар соҳаҳои энергияи “сабз” ва технологияҳои геотермалӣ изҳор намуд.
Дар фарҷоми мулоқот тарафҳо барои идомаи ҳамкории мутақобили судманд ва рушди соҳаҳои илмию энергетикии Тоҷикистон дар оянда изҳори омодагӣ намуданд.
АКС: Академияи миллии илмҳои Тоҷикистон
Оид ба тадқиқоти пиряхҳо ва раванди гузаронидани корҳои экспедитсионӣ машварати илмӣ-назариявӣ доир гардид
Ғолибони Озмуни ҷумҳуриявии «Илм-фурӯғи маърифат» дар соли 2026 муайян гардиданд
Пагоҳ маросими ҷоизасупории даври ниҳоии Озмуни ҷумҳуриявии «Илм — фурӯғи маърифат» баргузор мегардад
Дар Академияи миллии илмҳо масъалаи дурнамои ҳамкории муассисаҳои илмии Тоҷикистону Русия баррасӣ гардид
Дар мавзуи «Иттиҳоди Давлатҳои Мустақил: самтҳо ва дурнамои рушд» конференсияи байналмилалии илмӣ-амалӣ баргузор шуд
Ҳамкории Академияи миллии илмҳои Тоҷикистон ва Раёсати илм ва технологияи ноҳияи мухтори Шинҷон-Уйғур густариш меёбад
Дар нуҳ моҳ машғулиятҳои кӯтоҳмуддати касбомӯзиро 6597 нафар хатм намуданд
Дилрабо Мансурӣ бо ҷараёни баргузории даври ниҳоии Озмуни «Илм – фурӯғи маърифат» шинос шуд
Намояндагони Академияи миллии илмҳои Тоҷикистон дар ҷаласаи Шурои мудирони Маркази байналмилалии илмию техникӣ дар Ереван иштирок намуданд
Дар Душанбе симпозиуми ҷамъбастӣ ва форуми муштарак баргузор шуд
Муовини Сарвазири Тоҷикистон аз озмоишгоҳи илмию таҳқиқотии Институти хокшиносӣ боздид намуд
Дар Душанбе бахшида ба 111-солагии ховаршинос Ирҷи Бечка конференсияи ҷумҳуриявии илмӣ-амалӣ баргузор шуд
