САДА — ҶАШНИ МИЛЛИИ БОСТОНИИ ТОҶИКОН. Оид ба он машварати илмӣ-назариявӣ доир шуд
ДУШАНБЕ, 25.01.2026 /АМИТ «Ховар»/. 23 январ дар Институти таърих, бостоншиносӣ ва мардумшиносии ба номи Аҳмади Дониши Академияи миллии илмҳои Тоҷикистон таҳти унвони «Сада-ҷашни миллии бостонии тоҷикон» машварати илмӣ- назариявӣ баргузор гардид, хабар медиҳад АМИТ «Ховар» бо истинод ба ин институт.
Дар машварат олимони институт дар мавзуъҳои «Сада- ҷашни фарорасии зимистон», «Се рамзи фарҳангӣ ва фалсафии Наврӯз», «Ҷашни Сада- ёдгоре аз ниёгон ва ворид гардидани он ба Феҳристи мероси ҷаҳонии ЮНЕСКО», оид ба асосҳои илмии ҷашнҳои тақвимии миллии тоҷикон ва расму анъанаҳои таҷлили ин ҷашн маъруза намуданд.
Иброз гардид, ки маҳз бо ташаббуси Пешвои миллат муҳтарам Эмомалӣ Раҳмон дар мамлакат Сада расман ҷашн гирифта мешавад. Ҷашни Сада бо пешниҳоди Тоҷикистон ба Феҳристи мероси ғайримоддии башарият ворид карда шуд.
Дар «Шоҳнома»-и безаволи Абулқосим Фирдавсӣ ин ҷашн ба пайдоиши оташ ва шоҳ Ҳушанг рабт дорад. Ниёгони мо дар асоси илми нуҷум дар чор мавсими сол чор ҷашни миллиро таҷлил мекарданд. Тибқи баъзе сарчашмаҳои бостоншиносӣ, ҷашни Сада дар даврони Сосониён низ таҷлил мегардид.
Таъкид шуд, ки ҷашни Сада яке аз муҳимтарин ҷашнҳои аҷдодии мо аст, ки аз замонҳои қадим сарчашма мегирад.
АКС: Институти таърих, бостоншиносӣ ва мардумшиносии ба номи Аҳмади Дониши Академияи миллии илмҳои Тоҷикистон
Дар Академияи миллии илмҳои Тоҷикистон бо намояндагони Агентии байналмилалии неруи атомӣ вохурӣ доир шуд
Дар Институти масъалаҳои об, гидроэнергетика ва экология бо намояндагони Агентии байналмилалии энергияи атомӣ мулоқот доир гардид
Дар Бохтар масъалаи таҳкими ҳамкорӣ дар соҳаи тандурустӣ бо Агентии байналмилалии неруи атомӣ баррасӣ шуд
ҶОИЗАИ БАЙНАЛМИЛАЛИИ АБУАЛӢ ИБНИ СИНО ДАР СОҲАИ ТИБ. Марҳалаи нави муаррифии саҳми тоҷикон дар рушди илми ҷаҳонӣ оғоз гардид
Дар даври ноҳиявии Озмуни ҷумҳуриявии «Илм – фурӯғи маърифат» 114 нафар иштирок намуд
Дар мавзуи «Низоми муносибатҳои байналмилалӣ дар вазъи имрӯзаи бисёрқутба» конференсияи ҷумҳуриявӣ доир гардид
Муколамаи миллӣ дар мавзуи «Арзёбии хатари хушксолӣ ва устувории он дар Осиёи Марказӣ» баргузор шуд
Оид ба ошкорнамоии муомилоти ғайриқонунии маводи ҳастаӣ ва дигар маводи радиоактивӣ даври омӯзишӣ идома дорад
Дар мавзуи «Криосфераи Тоҷикистон дар шароити тағйирёбии иқлим: дастовард ва дурнамо» чорабинии канорӣ доир шуд
Иқдоми навбатии Сарвари давлат гувоҳи арҷгузории Қаҳрамони Тоҷикистон ба қаҳрамонии қаҳрамонон аст
Илмомӯзӣ – ватандӯстӣ – амният: се рукни асосии стратегии рушди миллии Тоҷикистон
Дар мавзуи нақши осорхонаҳо дар ҳифзи мероси таърихию фарҳангӣ конференсияи ҷумҳуриявӣ доир шуд
