«Барномаи ҳамкорӣ байни вазоратҳои корҳои хориҷии Тоҷикистон ва Қазоқистон барои солҳои 2026–2028» ба имзо расид
ДУШАНБЕ, 16.02.2026 /АМИТ «Ховар»/. 16 феврал дар шаҳри Душанбе вохӯрии Вазири корҳои хориҷии Ҷумҳурии Тоҷикистон Сироҷиддин Муҳриддин бо Вазири корҳои хориҷии Ҷумҳурии Қазоқистон Ермек Кошербаев, ки бо сафари расмӣ дар Тоҷикистон қарор дорад, баргузор гардид.
Тавре ба АМИТ «Ховар» аз Вазорати корҳои хориҷии Ҷумҳурии Тоҷикистон хабар доданд, дар доираи сафар музокирот дар қолабҳои маҳдуд ва васеъ баргузор шуда, ҷонибҳо вазъи кунунӣ ва дурнамои рушди муносибатҳои дуҷонибаро муфассал баррасӣ намуданд.
Таваҷҷуҳи махсус ба масъалаҳои таҳкими минбаъдаи ҳамкории сиёсӣ, густариши робитаҳои тиҷоратию иқтисодӣ, татбиқи лоиҳаҳои муштараки сармоягузорӣ, инчунин тақвияти робитаҳои фарҳангию гуманитарӣ зоҳир гардид.
Ҳамчунин дурнамои таъмиқи ҳамкорӣ дар соҳаҳои энергетика, нақлиёт ва амният мавриди баррасӣ қарор гирифт.
Ҷонибҳо оид ба мавзуъҳои муҳими рӯзномаи минтақавӣ ва байналмилалӣ табодули афкор намуданд. Инчунин ҷонибҳо бо тамаркуз ба сатҳи баланди ҳусни тафоҳум байни ду мамлакат идомаи ҳамоҳангсозии иқдом дар доираи созмонҳои байналмилалиро таъкид карданд.
Вазирон азми ҷонибҳоро барои доир кардани машваратҳои мунтазами сиёсӣ дар сатҳи ниҳодҳои сиёсати хориҷии ду давлат, ҳамчунин фаъолсозии механизмҳои ҳамкории байниҳукуматӣ ва байниидоравӣ тасдиқ намуданд.
Дар анҷом «Барномаи ҳамкорӣ миёни вазоратҳои корҳои хориҷии Ҷумҳурии Тоҷикистон ва Ҷумҳурии Қазоқистон барои солҳои 2026–2028» ба имзо расид.
АКС: Вазорати корҳои хориҷии Ҷумҳурии Тоҷикистон
Сафири Тоҷикистон дар Русия бо ҷавонон ва донишҷӯёни тоҷик дар шаҳри Санкт-Петербург мулоқот намуд
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
