НИШАСТИ МАТБУОТӢ. Дар Вилояти Мухтори Кӯҳистони Бадахшон 1469 иншооти ҷашнӣ бунёд гардид
ДУШАНБЕ, 14.02.2026 /АМИТ «Ховар»/. Бахшида ба ҷашни 35-солагии Истиқлолияти давлатӣ дар Вилояти Мухтори Кӯҳистони Бадахшон ба ҳолати 1 январи соли равон 1469 иншоот ба маблағи 5,2 миллирад сомонӣ сохта, ба истифода дода шуд, ки 108 фоизи иҷрои бандҳои нақшаи пешбинишударо ташкил медиҳад. Дар ин хусус 13 феврал Раиси вилоят Алишер Мирзонабот зимни нишасти матбуотӣ ба намояндагони воситаҳои ахбори омма хабар дод.
Иброз гардид, ки соли 2025 дар доираи ташрифи Президенти Ҷумҳурии Тоҷикистон муҳтарам Эмомалӣ Раҳмон ба шаҳру ноҳияҳои вилоят 140 иншоот ба истифода дода шуд. Аз ин шумора 53 адади онро корхонаҳои саноатӣ ташкил медиҳанд.
Иттилоъ дода шуд, ки дар ин давра иншооти муҳими стратегӣ, аз қабили қисмати бузурги қитъаи 93-километраи шоҳроҳи Душанбе–Дарвоз–Кулма аз маркази ноҳияи Дарвоз то даромадгоҳи ноҳияи Рӯшон, қисмати шоҳроҳ бо купрӯки 82-метра ва долони зиддитармавии 550-метра дар мавзеи Барсеми ноҳияи Шуғнон, пули мошингузари 200-метра дар шаҳри Хоруғ, Нерӯгоҳи барқи обии «Себзор» дар ноҳияи Роштқалъа, силсилаи нерӯгоҳҳои барқи обии хурд дар ноҳияҳои Рӯшон ва Дарвоз, ҳамчунин нерӯгоҳи барқи офтобӣ дар ноҳияи Мурғоб бунёд ва мавриди истифода қарор дода шудаанд.
Дар маҷмӯъ аз ҳамаи манбаҳо ба иқтисоди вилоят зиёда аз 4,2 миллирад сомонӣ ворид гардида, маҷмӯи маҳсулоти минтақавӣ ба 3 миллиарду 18 миллион сомонӣ расид, ки нисбати соли 2024 516 миллион сомонӣ зиёд мебошад.
АКС: Мақомоти иҷроияи ҳокимияти давлатии Вилояти Мухтори Кӯҳистони Бадахшон
Президенти Ҷумҳурии Тоҷикистон Эмомалӣ Раҳмон дар ноҳияи Шаҳринав 6 иншооти таъйиноти гуногунро ба таври фосилавӣ ифтитоҳ намуданд
Сарвари давлат Эмомалӣ Раҳмон дар ноҳияи Шаҳринав аз Маркази ҷумҳуриявии таълимию методии Кумитаи ҳолатҳои фавқулода ва мудофиаи гражданӣ боздид намуданд
Дар шаҳри Ҳисор мумфаршкунии беш аз 3,5 километр роҳи автомобилгард оғоз гардид
820 иншооти гуногун ба маблағи беш аз 1 миллиард сомонӣ дар шаҳри Ваҳдат ба истифода дода шуд
Дар шаҳри Конибодом нуқтаҳои истироҳатӣ ва осоишгоҳи солимгардонӣ бунёд карда мешаванд
Дар ноҳияи Шаҳристон ба беҳтар намудани сатҳу сифати таълиму тарбия таваҷҷуҳи хосса дода мешавад
Дар шаҳри Ҳисор бинои мактаб, варзишгоҳ ва коргоҳи дӯзандагӣ ба истифода дода шуд
Дар даврони соҳибистиқлолӣ дар шаҳри Кӯлоб 53 бинои муассисаи таълимӣ ба истифода дода шуд
СОЛИ ОБОДОНИЮ СОЗАНДАГӢ. Дар ноҳияи Ёвон мумфаршкунии роҳҳои маҳаллӣ идома дорад
Дар Исломобод 35-солагии Истиқлоли давлатии Ҷумҳурии Тоҷикистонро таҷлил намуданд
35-СОЛАГИИ ИСТИҚЛОЛИ ДАВЛАТӢ. Дар ин давра дар Бадахшон 300 муассисаи таҳсилоти умумӣ ба истифода дода шуд
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
