Дар Узбекистон Рӯзҳои кинои Тоҷикистон баргузор гардиданд
ДУШАНБЕ, 25.03.2026 /АМИТ «Ховар»/. Рӯзҳои кинои Тоҷикистон дар Қасри миллии санъати кинои Узбекистон аз 23 то 25 март идома меёбанд. Тавре АМИТ «Ховар» бо истинод ба Муассисаи давлатии «Тоҷикфилм» хабар медиҳад, дар доираи ин рӯзҳо чанд филми тоҷикӣ, ки ҳаёти воқеӣ, сарнавишти инсонӣ ва мавзуъҳои иҷтимоиро инъикос мекунанд, ба намоиш гузошта шуданд.
24 март маросими ифтитоҳи тантанавӣ баргузор гардида, дар он намояндагони соҳаи кинои ду ҷумҳурӣ иштирок намуданд.
Дар барнома директори генералии Агентии кинематографияи Ҷумҳурии Узбекистон Шуҳрат Ризоев гуфт, ки синамои узбеку тоҷикро дугоник номидан мумкин аст, зеро кинематографистони машҳур Комил Ёрматов ва Борис Кимёгаров дар санъати синамои ҳар ду мамлакат ҳиссаи сазовор гузоштаанд. Ҳунармандони узбек, ба мисли Ёдгор Саъдиев, Исамат Эргашев ва Тогон Реҷаметов дар бисёр филмҳои тоҷикӣ нақш бозида, Сайрам Исоева, Ато Муҳаммадҷонов ва Тоҳир Собиров барин санъаткорони тоҷик дар филмҳои офаридаи кинорежиссёрҳои узбек нақшҳои фаромӯшнашаванда бозидаанд. Ин анъана имрӯз ҳам давом дорад.
Дар ин рӯз филмҳои «Моҳӣ дар шаст» ва «Дар талоши ҳақиқат» пешкаши тамошобинон гардиданд. 25 март филмҳои «Ҷӯра-саркор» ва «Зиндагӣ зебост» намоиш дода мешаванд.
Ин чорабинӣ барои дӯстдорони кинои Узбекистон имконият фароҳам меорад, то бо дастовардҳои синамои тоҷик аз наздик шинос шаванд.
АКС: Муассисаи давлатии «Тоҷикфилм»
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
Форуми байналмилалии «Ҳамкории муштараки киносозону продюсерон» ва нишасти матбуотӣ баргузор гардид
«ЗАБОНИ МО – ҶАҲОНИ МО». Анҷумани сеюми забоншиносони давлатҳои ҳамзабону ҳамфарҳанг доир шуд
Иштирокдорони Анҷумани сеюми забоншиносони ҷаҳон бо осори таърихию фарҳангии Осорхонаи миллии Тоҷикистон шинос шуданд
Пагоҳ дар Тоҷикистон Иди Меҳргон таҷлил мегардад
Дар Душанбе Рӯзҳои кинои Эрон оғоз гардиданд
ИМРӮЗ–РӮЗИ КИНОИ ТОҶИК. Аз соли 1991 то соли 2025 дар маҷмуъ 313 филм ба навор гирифта шудааст
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
