Масоили муҳими идоракунии захираҳои об бо намояндагони Маркази минтақавии СММ баррасӣ гардид

ДУШАНБЕ, 12.03.2026 /АМИТ «Ховар»/. Масъалаҳои муҳими идоракунии захираҳои об, инчунин мушкилот ва хатарҳои муосир дар соҳаи об зимни мулоқоти роҳбарияти Институти масъалаҳои об, гидроэнергетика ва экологияи Академияи миллии илмҳои Тоҷикистон бо намояндагони Маркази минтақавии Созмони Милали Муттаҳид оид ба дипломатияи боздоранда барои Осиёи Марказӣ дар шаҳри Душанбе мавриди баррасӣ қарор дода шуданд.

Тавре АМИТ «Ховар» бо истинод ба ин институт хабар медиҳад, ҷонибҳо ҳамзамон ба масъалаҳои истифодаи устувори захираҳои об, рушди таҳқиқоти илмӣ ва тақвияти ҳамкории минтақавӣ таваҷҷуҳи махсус зоҳир намуданд.

Ҳамсуҳбатон аҳамияти густариши ҳамкорӣ байни муассисаҳои илмӣ ва созмонҳои байналмилалиро барои таҳкими амнияти обӣ ва рушди устувори кишварҳои Осиёи Марказӣ муҳим арзёбӣ намуданд.

АКС: Институти масъалаҳои об, гидроэнергетика ва экологияи Академияи миллии илмҳои Тоҷикистон