Рӯзноманигорони Қирғизистон бо инфрасохтори муосири Донишгоҳи байналмилалии сайёҳӣ ва соҳибкории Тоҷикистон шинос гардиданд
ДУШАНБЕ, 25.03.2026 /АМИТ «Ховар»/. 24 март намояндагони воситаҳои ахбори оммаи Ҷумҳурии Қирғизистон ба Донишгоҳи байналмилалии сайёҳӣ ва соҳибкории Тоҷикистон рафта, бо Академияи сайёҳӣ ва Институти илмию тадқиқотии сайёҳӣ ва соҳибкории донишгоҳ шинос шуданд, хабар медиҳад АМИТ «Ховар» бо истинод ба ин донишгоҳ.
Меҳмононро роҳбарияти донишгоҳ истиқбол намуда, доир ба сохтори идоракунӣ, самтҳои афзалиятноки фаъолияти таълимӣ ва илмӣ, инчунин имконияти фароҳамовардаи Ҳукумати Ҷумҳурии Тоҷикистон барои омодасозии кадрҳои баландихтисосу рақобатпазири сатҳи байналмилалӣ маълумоти муфассал пешниҳод намуданд.
Иброз гардид, ки донишгоҳ ҳамчун яке аз марказҳои пешбари омодасозии мутахассисон дар соҳаҳои сайёҳӣ ва соҳибкорӣ дар асоси стандартҳои муосири ҷаҳонӣ фаъолият менамояд.
Намояндагони воситаҳои ахбори омма аз Маркази рақамикунонӣ ва зеҳни сунъӣ, лабораторияи сайёҳӣ, меҳмонхонаи таълимӣ, студияи таълимӣ, Маркази дипломатияи сабз, толори варзишӣ, ҳавзи шиноварӣ, ошхонаи замонавӣ, хобгоҳи муосири донишҷӯён, Маркази таълимию истеҳсолии дӯзандагӣ ва дигар инфрасохтори таълимии донишгоҳ дидан намуданд.
Меҳмонон ба шароити фароҳамгардида ва пойгоҳи муосири моддию техникии донишгоҳ баҳои баланд дода, онро заминаи муҳим барои тайёр намудани мутахассисони ҷавобгӯ ба талаботи бозори ҷаҳонӣ арзёбӣ намуданд.
Гуфта шуд, ки чунин боздидҳо ба таҳкими ҳамкории иттилоотӣ ва густариши равобити дуҷониба байни Тоҷикистон ва Қирғизистон мусоидат намуда, дар муаррифии имконияти соҳаи маориф ва сайёҳӣ нақши муҳим мегузоранд.
АКС: Донишгоҳи байналмилалии сайёҳӣ ва соҳибкории Тоҷикистон
Дар Донишгоҳи байналмилалии сайёҳӣ ва соҳибкории Тоҷикистон ғолибони Олимпиадаи байналмилалӣ қадрдонӣ карда шуданд
Дар Донишкадаи байналмилалии Левакант конфронси илмӣ-амалӣ доир гардид
Дар Душанбе ҳамкории давлат, илм ва бахши хусусӣ дар таъмини рушди устувори соҳибкорӣ муҳокима гардид
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои таҳсилоти олии Русия тақвият меёбад
Ба муносибати Рӯзи пойтахт хатсайри сайёҳии «Сайри шомгоҳии Душанбе» ташкил карда мешавад
Дар конфронси байналмилалӣ тамоюлҳои муосири таъмини ҳуқуқии рушди устувор, рақамикунонӣ ва зеҳни сунъӣ баррасӣ шуданд
САЙЁҲӢ — МУҲАРРИКИ РУШДИ УСТУВОР. Дар Душанбе дар ин мавзуъ конфронси байналмилалӣ баргузор шуд
Форуми сеюми байналмилалии «Суғд–чорроҳаи Роҳи Бузурги Абрешим» оғоз шуд
Донишгоҳи байналмилалии сайёҳӣ ва соҳибкории Тоҷикистон расман ҳамоҳангсози миллии шабакаи «UI GreenMetric» ва ташаббусҳои «сабз» дар Тоҷикистон гардид
Бахшида ба Рӯзи пойтахти Ҷумҳурии Тоҷикистон намоиши аксҳои Душанбе оғоз ёфт
ДАРАХТИ ДӮСТӢ БИНШОН. Ректорони донишгоҳҳои «сабз» беш аз 50 бех ниҳоли дарахти ҳамешасабз шинониданд
Дар Душанбе Форуми байналмилалии «Ҳамкорӣ ба хотири рушди устувор. Сабз. Рақамӣ. Ҳушманд» оғоз шуд
