Алишер Назаров Шоҳҷоизаи Мусобиқаи гӯштини миллӣ дар шаҳри Ҳисорро соҳиб шуд
ДУШАНБЕ, 10.04.2026. /АМИТ «Ховар»/. Бахшида ба 35-солагии Истиқлоли давлатӣ 9 апрел дар ҷамоати Ориёни шаҳри Ҳисор Мусобиқаи гӯштини миллӣ (гӯштингирӣ) бо иштироки паҳлавонони шинохтаи Тоҷикистон, Узбекистон ва Федератсияи Русия дар сатҳи баланд баргузор шуд.
Мусобиқаи гӯштини миллӣ дар шаҳри Ҳисор бо ҳузури беш аз 7 ҳазор мухлис ва ҳаводорони гӯштини миллӣ дар сатҳи баланд доир гардид. Дар мусобиқа паҳлавонони тоҷик Ҳақназар Назаров, Абубакр Шеров, Ғазалшои Давлатшо, Абубакри Акобир, Суҳроб Муҳаммадев, Зафар Олимшоев, Алишер Назаров, Ҳайдари Саидкабирзода, Музамир Каримзода, Ҷумахон Ёрматов ва дигарон нисбат ба ҳарифонашон ҳунар ва маҳорати арзанда нишон дода, ҷоизаҳои олиро сазовор гардиданд.
Аз ҷониби ташкилкунандагони мусобиқа барои паҳлавонони майдон ду Шоҳҷоиза – мошин, маблағҳои калони пулӣ, чорвои зиёди калону майда, яхдонҳо, телевизорҳо ва туҳфаҳои гуногун гузошта шуда буд, ки ғолибон онҳоро соҳиб гардиданд.
Алишер Назаров, паҳлавони ҷавони шаҳри Ҳисор пас аз ғолиб омадан бар ҳафт ҳарифаш имкон пайдо кард, ки барои Шоҳҷоиза мубориза барад. Ба монанди Алишер Назаров Ҳайдари Саидкабирзода, паҳлавон аз ноҳияи Ховалинг бар чаҳор ҳарифаш ғолиб омад ва ҳарду барои Шоҳҷоиза рақобат карданд. Дар ниҳоят бо партофти хеле зебо Алишер Назаров бар Ҳайдари Саидкабирзода ғолиб омада, Шоҳҷоиза- мошинро сазовор гардид.
Ҳамчунин як Шоҳҷоизаи дигар байни ду паҳлавон- Ғазалшои Давлатшо аз Ҷумҳурии Тоҷикистон ва Азамат аз Федератсияи Русия гузошта шуд. Паҳлавонон давоми як соат бо ҳам рақобат намуданд, вале ғолиб муайян нагардиду сабқати онҳо мусовӣ анҷом ёфт.
Ҳамин Шоҳҷоиза байни ду паҳлавони дигар- Абубакри Акобир аз ноҳияи Балҷувон ва Ҳақназар Назаров аз шаҳри Ҳисор гузошта шуд. Онҳо низ давоми ним соат байни ҳам рақобат карданд, вале ғолиб муайян нагардиду сабқат мусовӣ анҷом ёфт. Аз ҷониби ташкилкунандагони мусобиқа Шоҳҷоиза- мошин ба ҳарду паҳлавон тақдим гардид.
Меҳрони ҚУРБОН,
шореҳи варзиши АМИТ «Ховар»
АКС: АМИТ «Ховар»
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Дар ноҳияи Спитамен иншооти таъйиноти гуногун мавриди истифода қарор дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Дар Суғд яке аз нахустин лоиҳаҳои бузурги «энергетикаи сабз» – бунёди неругоҳи офтобӣ дар ноҳияи Ашт ба анҷом расонида шуд
