Бахшида ба Рӯзи илм дар Институти биологии Помир конференсияи илмӣ-назариявӣ доир шуд
ДУШАНБЕ, 08.04.2026. /АМИТ «Ховар»/. 7 апрел дар Институти биологии Помир ба номи академик Худоёр Юсуфбекови Академияи миллии илмҳои Тоҷикистон бахшида ба Рӯзи илми тоҷик конференсияи илмӣ-назариявӣ баргузор гардид.
Тавре АМИТ «Ховар» бо истинод ба Академияи миллии илмҳо хабар медиҳад, конференсия ба гиромидошти нақши илму маърифат дар рушди устувори ҷомеа ва таҳкими иқтидори зеҳнии мамлакат равона гардида, саҳми олимони ватаниро дар пешрафти соҳаҳои гуногуни илм бозгӯйӣ намуд.
Директори Институти биологии Помир Абдулназар Абдулназарзода дар мавзуи «Асосҳои географии таърих ва тамаддуни халқи тоҷик» сухан намуда, масъалаҳои марбут ба ташаккули тамаддун ва нақши муҳити ҷуғрофиро дар рушди таърихии миллат мавриди таҳлил қарор дод.
Иброз гардид, ки рушди илм омили калидии пешрафти иҷтимоию иқтисодӣ ва таъмини рақобатпазирии ҷумҳурӣ дар арсаи байналмилалӣ мебошад.
Иштирокдорони конференсия оид ба пешрафту навовариҳои илмӣ дар давраи соҳибистиқлолии ҷумҳурӣ, саҳми олимони тоҷик дар рушди соҳаи кишоварзӣ ва дастовардҳои илмии марбут ба беҳтарсозии навъҳои зироат ибрози назар намуданд.
Гуфта шуд, ки татбиқи натиҷаҳои таҳқиқоти илмӣ дар амалия метавонад ба таъмини амнияти озуқаворӣ ва истифодаи самараноки захираҳои табиӣ мусоидат намояд.
Дар ҷамъбасти конференсия як зумра кормандони институт барои дастовардҳои назаррас дар фаъолияти илмӣ-таҳқиқотӣ ва иштироки фаъолона дар ҳаёти ҷамъиятӣ бо Ифтихорномаи фахрии институт ва Академияи миллии илмҳо сарфароз гардонида шуданд.
АКС: Академияи миллии илмҳои Тоҷикистон
Дар Душанбе оид ба бехатарии ядроӣ ва радиатсионӣ конференсияи байналмилалӣ баргузор гардид
Озмоишгоҳи таҳқиқоти трансформатсияи техногении муҳити геологӣ, назорати радиатсионӣ ва амнияти ядроӣ ба истифода дода шуд
Агентии амнияти химиявӣ, биологӣ, радиатсионӣ ва ядроӣ ва Донишгоҳи миллии техникии Беларус озмоишгоҳи муштараки илмӣ таъсис медиҳанд
Бахшида ба Рӯзи илми тоҷик ҳамоиши илмӣ-назариявӣ доир шуд
РӮЗИ ИЛМ. Маҳз тавассути илму дониш инсон метавонад ба қуллаҳои нави камолоту муваффақият ноил гардад
Оид ба саҳми олимони ҷавон дар таҳқиқи таърихи халқи тоҷик ҳамоиши илмӣ-назариявӣ доир шуд
Оид ба дипломатияи сулҳ ва таҷрибаҳои сулҳофаринӣ ҳамоиш баргузор гардид
Дар Маркази минтақавии бехатарӣ, амният ва кафолатҳои химиявӣ, биологӣ, радиатсионӣ ва ядроӣ панелҳои офтобӣ насб карда шуданд
Бахшида ба Рӯзи илм дар Бадахшон ҳамоиши ҷумҳуриявӣ баргузор шуд
БИСТСОЛАИ ОМӮЗИШ ВА РУШДИ ФАНҲОИ ТАБИАТШИНОСӢ, ДАҚИҚ ВА РИЁЗӢ. Дар доираи Даҳаи муаррифии илми академии тоҷик конференсия баргузор шуд
Ҳамкорӣ байни Академияи миллии илмҳои Тоҷикистон ва Донишгоҳи Оксфорд баррасӣ гардид
Дар доираи Даҳаи муаррифии илми академии тоҷик дар Институти фалсафа ва сиёсатшиносӣ ҳамоиши илмӣ доир гардид
