Дар доираи сафари кории Президенти Тоҷикистон дар Исфара иншооти соҳаи тандурустӣ ба истифода дода шуд
ДУШАНБЕ, 01.04.2026 /АМИТ «Ховар»/. Дар доираи сафари кории Президенти Ҷумҳурии Тоҷикистон муҳтарам Эмомалӣ Раҳмон дар шаҳри Исфара иншооти соҳаи тандурустӣ ба истифода дода шуд.
Тавре ба АМИТ «Ховар» аз Мақомоти иҷроияи ҳокимияти давлатии шаҳри Исфара иттилоъ доданд, дар деҳаи Ворухи шаҳри Исфара шуъбаи таваллудхона мавриди истифода қарор гирифт.
Ин иншооти навбунёд барои 20 кат пешбинӣ шуда, дорои қабулгоҳ, ду ҳуҷраи зоиш, чор ҳуҷраи баъди таваллуд, амалиётхона барои чарроҳиҳо, ҳуҷраи ултрасадо ва колпоскопия мебошад. Ҳамчунин дар ин шуъба ҳуҷраҳои ёрирасон барои нигоҳдории доруворӣ ва таҷҳизоти зарурӣ мавҷуд ҳастанд.
Дар таваллудхона 12 корманд фаъолият дорад, ки як нафар табиби акушер-гинеколог, ҳафт нафар момодоя, се нафар ҳамшираи хурд ва як нафар корманди ғайритиббӣ мебошад.
Ин муассисаи навбунёди тандурустӣ бо таҷҳизоти зарурии тиббӣ таъмин аст. Дар он имконоти зарурӣ барои расонидани кумаки тиббӣ ба модарон ва навзодон фароҳам оварда шудааст.
АКС: Мақомоти иҷроияи ҳокимияти давлатии шаҳри Исфара
ИСТИҚЛОЛИ ДАВЛАТИИ ТОҶИКИСТОН-ЗАМИНАИ ҲИФЗУ ГУСТАРИШИ АРЗИШҲОИ МИЛЛӢ. Дар ҳошияи фармони Президенти Тоҷикистон «Дар бораи ҷашн гирифтани 40-солагии Истиқлоли давлатии Ҷумҳурии Тоҷикистон»
Дар назди чор муассисаи таълимии шаҳри Ҳисор биноҳои иловагӣ сохта мешаванд
«БАРНОМАИ ДАВЛАТИИ РУШДИ МУАССИСАҲОИ СОҲАИ МАОРИФИ ВИЛОЯТИ ХАТЛОН». Дар доираи он бунёди 165 иншоот ба нақша гирифта шудааст
Хобгоҳи Коллеҷи омӯзгории шаҳри Ҳисор баъд аз навсозӣ ба истифода дода шуд
Дар ноҳияи Деваштич иншооти гуногуни иҷтимоӣ ба истифода дода шуданд
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
Президенти Ҷумҳурии Тоҷикистон Эмомалӣ Раҳмон ба таври фосилавӣ дар шаҳри Истаравшан 12 иншоотро мавриди истифода қарор доданд
