Дар Донишкадаи кӯҳию металлургии Тоҷикистон оид ба рушди соҳаи маъдан ва кӯҳкорӣ конференсияи байналмилалӣ баргузор шуд
ДУШАНБЕ, 27.04.2026. /АМИТ «Ховар»/. Дар Донишкадаи кӯҳию металлургии Тоҷикистон бахшида ба 35-солагии Истиқлолияти давлатӣ ва 20-солагии таъсиси ин донишгоҳ таҳти унвони «Рушди соҳаҳои маъдан ва кӯҳкорӣ дар Ҷумҳурии Тоҷикистон; нақши зеҳни сунъӣ ва рақамикунонӣ» конференсияи илмӣ-амалии байналмилалӣ доир гардид.
Тавре ба АМИТ «Ховар» аз Донишкадаи кӯҳию металлургии Тоҷикистон хабар доданд, зимни конференсия иштирокчиён доир ба ба рушди соҳаи маъдану кӯҳкорӣ, зеҳни сунъӣ ва иқтисодиёти «сабз», дастгириҳои Президенти Ҷумҳурии Тоҷикистон муҳтарам Эмомалӣ Раҳмон барои рушди илму маориф ва саноатикунонии босуръати мамлакат мубодилаи афкор намуданд.
Иброз гардид, ки дар шароити муосир омода намудани мутахассисони варзидаи ҷавобгӯ ба талаботи бозори меҳнат муҳим мебошад. Аз ҷумла, дар соҳаи кӯҳкорию маъдан, энергетика ва технологияҳои мошинсозӣ, зеҳни сунъӣ хеле зарур аст.
Иттилоъ дода шуд, ки дар донишкада 4 факултет бо фарогирии 16 кафедра фаъолият намуда, аз рӯи 38 ихтисос мутахасисони ҷавобгӯ ба талаботи бозори меҳнатро омода месозад.
Дар самти омодасозии кадрҳои баландихтисоси илмӣ ва унвондор бошад, донишкада бо пажӯҳишгоҳҳои Академияи миллии илмҳои Тоҷикистон ва 48 донишгоҳи олии дохилию хориҷӣ ҳамкории судманд дорад.
Дар қисмати пленарии конференсия намояндагони донишгоҳҳои Норвегия, Қазоқистон, Ироқ, Ҷумҳурии Мардумии Чин ва Федератсияи Русия ба тариқи онлайн маъруза намуданд.
АКС: Донишкадаи кӯҳию металлургии Тоҷикистон
ДАРКИ АМИҚИ МОҲИЯТИ ИСТИҚЛОЛИ СИЁСӢ. Он шарти муҳими таҳкими давлатдории миллӣ ва ҳифзи манфиатҳои давлату миллат аст
Дар Муъминобод бахшида ба ҷашни 35-солагии Истиқлоли давлатӣ ҳамоиш доир шуд
Бахшида ба ҷашни Истиқлолияти давлатӣ дар ноҳияи Ёвон ҳамоиши бошукуҳи адабӣ-фарҳангӣ доир гардид
ИСТИҚЛОЛИЯТ ВА РУШДИ МАОРИФ. Дар ин давра дар Тоҷикистон шумораи мактабҳо, хонандагон ва омӯзгорон афзоиш ёфт
Имрӯз дар боғҳои пойтахт рӯзҳои фарҳанги вилояти Суғд ва ноҳияҳои Ванҷу Шуғнон баргузор мегарданд
Дар ноҳияи Ашт неругоҳи офтобӣ ба истифода дода мешавад
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
ОМОРИ МУОСИР ВА ЗАРУРАТИ ТАРБИЯИ КАДРҲОИ РАҚОБАТПАЗИР. Андешаҳо дар ин маврид
