Дар Китобхонаи миллии Тоҷикистон беш аз 2 ҳазор дастнависи нодир нигоҳдорӣ мешавад
ДУШАНБЕ, 08.04.2026. /АМИТ «Ховар»/. Китобхонаи миллии Тоҷикистон ба стандартҳои муосири ҷаҳонӣ ҷавобгӯ буда, дорои шуъбаю марказ ва бахшҳои мухталиф аст. Дар китобхона шуъбаи дастхатҳои Шарқ ва китобҳои нодир фаъолият менамояд, ки беш аз 2000 дастнавис дорад. Чунин иттилоъ дод 7 апрел Директори Китобхонаи миллии Тоҷикистон Ҷумахон Файзализода дар вохӯрӣ ба намояндагони Донишгоҳи Оксфорд профессор Эдмунд Ҳерзиг, доктор Фарнияз Закир ва хонум Ани Бет-Мовсес.
Тавре ба АМИТ «Ховар» аз Китобхонаи миллии Тоҷикистон хабар доданд, зимни вохӯрӣ иброз гардид, ки шуъбаи дастхатҳои Шарқ ва китобҳои нодири китобхона чун яке аз бойтарин ганҷинаҳои илмӣ-маънавӣ ва фарҳангӣ–мадании мамлакат шинохта мешавад. Ҳар дастнавис, китобҳои чопи сангию муосир, инчунин рӯзномаю маҷаллаҳо дорои таърихи хос буда, дар ташаккули ҳувият ва фарҳанги миллӣ нақши муҳим мебозанд.
Китобхона бо аксар мамлакатҳои Аврупо ҳамкорӣ дорад. Дар ин замина барои дастрас намудани ҳарчи бештари дастхатҳо ва китобҳои нодир ҳамкориро бо китобхонаю донишгоҳҳои мухталифи ҷаҳон густариш медиҳад.
Дар китобхона шуъбаи адабиёти хориҷӣ фаъолият менамояд, ки дар он адабиёт бо беш аз 60 забон ҷойгир карда шудааст. Инчунин дар ин шуъба гӯшаи китобҳои 19 давлати ҷаҳон ҷамъоварӣ гардидааст.
Намояндагони Донишгоҳи Оксфорд бо шуъбаҳои адабиёти хориҷӣ ва дастхатҳои Шарқ ва китобҳои нодири китобхона шинос шуда, Осорхонаи китобҳои нодири муассисаро тамошо карданд.
АКС: Китобхонаи миллии Тоҷикистон
«ЗАБОНИ МО – ҶАҲОНИ МО». 16 октябр Анҷумани сеюми забоншиносони давлатҳои ҳамзабону ҳамфарҳанг баргузор мегардад
ФИЛМҲОИ МИЛЛӢ ДАР ҶАШНВОРАҲОИ БАЙНАЛМИЛАЛӢ ЭЪТИРОФ ВА ҚАДРДОНӢ МЕШАВАНД. Эҳдо ба Рӯзи кинои тоҷик
Дар Минск бахшида бо Рӯзи байналмилалии бузургдошти Ҳофизи Шерозӣ ҳамоиш доир шуд
Дар даври ҷамъбастии Озмуни ҷумҳуриявии «Тоҷикистон-Ватани азизи ман» 581 довталаб иштирок менамояд
«ТОҶИ СОМОН». Меҳмонони синамоҷоизаи миллӣ бо имконоти сайёҳии Тоҷикистон шинос мегарданд
Ҷаласаи комиссияи Озмуни ҷумҳуриявии «Тоҷикистон—Ватани азизи ман» баргузор гардид
Иштирокдорони Форуми ҷавонони СҲШ аз Осорхонаи миллии Тоҷикистон дидан намуданд
Оид ба ҳифзи мероси таърихию фарҳангии тоҷикон конфронси байналмилалӣ доир шуд
«ДОНАНДАИ БЕҲТАРИНИ АСАРҲОИ ПЕШВОИ МИЛЛАТ». Ғолибони озмуни ҷумҳуриявӣ қадрдонӣ гардиданд
«ТОҶИ СОМОН». Дар доираи синамоҷоизаи миллӣ рӯзҳои кинои Эрон, Русия, Узбекистон ва Қирғизистон баргузор мегардад
«БАРНОМАИ РУШДИ КИТОБХОНАҲОИ ДЕҲОТ». Он фаъолияти китобхонаҳоро ба талаботи замони муосир мутобиқ менамояд
Дар ноҳияи Рӯдакӣ доир ба баланд бардоштани сатҳи огоҳии ҷавонон оид ба хатари терроризм ҳамоиш баргузор шуд
